Н.Наранбаатар 2020.11.19 | Vip76.mn

Н.Наранбаатар: Эдийн засгийн гол бүс нутаг болсон Өмнөговь аймагт анхаарал хандуулах хэрэгтэй байна

УИХ-ын чуулганы өнөөдрийн \2020.11.19\ нэгдсэн хуралдаанаар "Коронавируст халдвар /КОВИД-19/-ын цар тахлаас урьдчилан сэргийлэх, тэмцэх чиглэлээр Монгол Улсын Засгийн газраас авч хэрэгжүүлж байгаа ажлын явц, үр дүн, цаашид авч хэрэгжүүлэх арга хэмжээний талаар" мэдээллийг сонсож байна.

Мэдээлэлтэй холбогдуулан УИХ-ын гишүүд асуулт асууж байна. 
УИХ-ын гишүүн Н.Наранбаатар асуулт асуулаа:

Эдийн засгийн гол бүс нутаг болсон Өмнөговь аймаг, уул уурхай, хилийн боомтууд, уурхайчдын ээлж солих асуудлууд энэ бүс нутаг руу байна. УОК-оос тусгай ажлын хэсэг очиж ажиллан, холбогдох арга хэмжээ авах зайлшгүй шаардлагууд тулгарч байна. Боомт дээр ажиллаж байгаа албан хаагчдад хамгаалах хэрэгсэл, илүү цаг урамшууллаас авахуулаад олон асуудал байна. Тайван зогсоол, нүүрс тээврийн жолооч нартай холбоотой асуудлууд ч байна. Хэрвээ энэ бүс нутаг руу халдвар орвол цаашаа улс орны эдийн засаг, төсөвт нөлөөлнө. 

Түүний асуултанд Уул уурхай, хүнд үйлдвэрийн сайд  Г.Ёндон хариуллаа.

Өмнөговь аймгийн бүс нутгаас зэсийн экспортын 60 хувь, нүүрсний экспортын 95 хувь, Гашуун сухайт, Шивээхүрэнгийн боомтоор экспортонд гарч байгаа. Тиймээс эдгээр боомт, бүс нутгаар халдваргүйжилтийн маш чухал асуудал хөндөгдөж байна. Өчигдөр Засгийн газрын хуралд тэмдэглэл оруулсан. Нарийн сухайт, Тавантолгой, Оюу-Толгойн бүлэг ордууд болон бусад ордууд дээр халдваргүйжилт, аюулгүй байдлыг хангах шийдвэр гарсан.