УИХ-ын чуулганы өнөөдрийн \2020.11.19\ нэгдсэн хуралдаанаар "Коронавируст халдвар /КОВИД-19/-ын цар тахлаас урьдчилан сэргийлэх, тэмцэх чиглэлээр Монгол Улсын Засгийн газраас авч хэрэгжүүлж байгаа ажлын явц, үр дүн, цаашид авч хэрэгжүүлэх арга хэмжээний талаар" мэдээллийг сонсож байна.

Мэдээлэлтэй холбогдуулан УИХ-ын гишүүд асуулт асууж байна. 

УИХ-ын гишүүн Б.Бейсен: 

"Оюутнууд, өвчин зовлонтой хүмүүсийг нэг удаа шинжилгээнд хамруулж гаргах боломж бий юу? Нэг удаагийн хамгаалах хэрэгсэл маск бээлий зэргийн үнэ нэмэгдэх хандлагатай байна. Эм эмнэлгийн хэрэгсэл хил гаалиар орж ирсэн хэдий Улаанбаатар хот руу нэвтрүүлэхгүй байна гэсэн мэдээлэл байна. Энд ямар арга хэмжээ авах вэ?

ЗГХЭГ-ын дарга Л.Оюун-Эрдэнээс асууя. Цар тахлын үед сумдын засаг дарга нарыг томилоогүй удааширсанаас болж асуудлууд үүсээд байна. Хэзээ томилж дуусах вэ? Үндэслэлгүй томилохгүй байгаа аймгийн засаг дарга нарт ямар хариуцлага тооцох вэ?

Уул уурхайн салбарт ажиллаж байгаа хүмүүсийнхээ ажиллах хуваарьт зохицуулалт хийж ажиллах боломжтой юу?"

Түүний асуултанд Шадар сайд Я.Содбаатар, ЗГХЭГ-ын дарга Л.Оюун-Эрдэнэ, Уул уурхай, хүнд үйлдвэрийн сайд Ёндон нар хариуллаа.