УИХ-ын чуулганы өнөөдрийн \2020.11.27\ нэгдсэн хуралдаанаар Гаалийн албан татвараас чөлөөлөх тухай хуулийн төслийг /Засгийн газар 2020.11.20-ны өдөр өргөн мэдүүлсэн/ хэлэлцэх эсэхийг хэлэлцэж байна.

Хэлэлцүүлгийн үеэр УИХ-ын гишүүд асуулт асууж, санал хэллээ.

УИХ-ын гишүүн Ж.Ганбаатар асуулт асуулаа.

Зарчмын хувьд дэмжиж байна. Гааль, НӨТ-ийн татварыг чөлөөлөхдөө анхаарах зүйл байгаа. Мөнгө л төлж байгаа бол НӨТ-ийн падаан бичиж өгөх чиглэлийг бариарай. Чөлөөлсөн компаниудын өмнөөс жижиг дунд бизнес эрхэлж байгаа хүмүүс төлж байгаа. Өмнө нь чөлөөлсөн байгууллагуудад ийм зүйл байхгүй байдаг. НӨТ-өөс чөлөөлөгдсөн гээд падаан бичиж өгөхгүй гэсэн асуудал байхгүй. НӨТ, Гаалиас чөлөөлж үнэ нь хямдарч байгаа хэдий ч, яг хэрэгчлэгчдийн гар дээр ирэхдээ үнэтэй болдог. НӨТ-ийн падааныг өгдөг байх хэрэгтэй.

Түүний асуултанд ХХААХҮ-ын сайд З.Мэндсайхан хариуллаа.

Гол нэрийн хүнсний бүтээгдэхүүн дээр жишээ нь будааны үнэ өсгөхгүй байх тал дээр анхаарч байгаа. Үйлдвэрлэлийн үйл явцад ороод ирэхээр ЖДҮ-үүд баримтгүй бүтээгдэхүүн худалдаж аваад, түүнийг үндсэн бүтээгдэхүүн болгож гаргахдаа НӨТ төлж байгаа асуудал бий. Энэ талаар таны саналыг хүлээн авч, Сангийн яамтай санал солилцож хамтарч ажиллана.

Ж.Ганбаатар: НӨАТ-ыг чөлөөлөхдөө байгууллагуудад баримт өгөх үү?