У.Хүрэлсүх 2020.12.02 | News.mn

У.Хүрэлсүх: Цаасан мөнгө хэвлэж, гүйлгээнд гаргаж болохгүй

У.Хүрэлсүх: Цаасан мөнгө хэвлэж, гүйлгээнд гаргаж болохгүй

Засгийн газрын өнөөдрийн ээлжит хуралдаанаар гэр хорооллын иргэдэд сайжруулсан түлшийг 50 хувь хямдруулан худалдаалах тогтоолыг баталлаа. Энэ үеэр Монгол Улсын Ерөнхий сайд У.Хүрэлсүх Ерөнхийлөгчийн гаргасан санаачилгын талаар байр сууриа илэрхийлэв.

Монгол Улсын Ерөнхий сайд У.Хүрэлсүх: "Мөнгө байдаг бол ард иргэд, өвгөд хөгшид, үр хүүхдүүдээсээ харамлах зүйл Засгийн газарт байхгүй. Харамсалтай нь бидний боломж хязгаарлагдмал байна.

Хэдэн саяыг өг гээд сайн сайхан зүйл ярьж байгаа. Үнэндээ тийм мөнгө байхгүй. Ард түмнийг хуурч, цаасан мөнгө хэвлэх үү? 2012-2016 онд 8 их наяд төгрөгийн цаасан мөнгө хэвлэж зах зээлд гаргаснаас болж юмны үнэ өссөн.

Цаасан мөнгө хэвлэж, гүйлгээнд гаргаж болохгүй. Энэ бол ард түмний амьдралыг дэмжиж байгаа хэлбэр биш. Маргааш нь л талх, мах, цахилгааны үнэ өснө. Энэ бол хамгаалалт биш. Ард түмний амьдралыг, улсынхаа эдийн засгийг давхар хорлож байгаатай адил. Бодит арга хэмжээ авч ард түмнээ дэмжих нь зөв. Тийм учраас сайжруулсан шахмал түлшийг 50 хувиар хямдрууллаа" гэсэн юм.