Н.Наранбаатар 2020.12.10 | Vip76.mn

Н.Наранбаатар: Санхүүжилт авдаг аливаа байгууллага, ажил албанд тушаал эрхлэх гэдэг заалтаараа явах нь зөв

УИХ-ын чуулганы өнөөдрийн /2020.12.10/ нэгдсэн хуралдаанаар Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуулийн шинэчилсэн найруулгын төсөл болон хамт өргөн мэдүүлсэн хууль, Улсын Их Хурлын тогтоолын төслүүдийн анхны хэлэлцүүлгийг хийж байна. 

Хуулийн төслийн хэлэлцүүлгийн үеэр ажлын хэсэг болон байнгын хорооны дүгнэлттэй холбоотойгоор УИХ-ын гишүүд асуулт асууж, санал хэллээ.

УИХ-ын гишүүн Н.Наранбаатар:

Үүнийг дэмжихгүй байгаа юм. Анхны төслийн заалт буюу энэ хуульд өөрөөр заагаагүй бол Засаг даргын харъяа болон үйл ажиллагаа хариуцан тайлагнадаг. Түүнээс санхүүжилт авдаг аливаа байгууллага бүтцийн нэгж, ажил албанд тушаал эрхлэх гэдэг энэ заалтаараа явах нь зөв байгаа юм. Яагаад гэхээр нийтийн албанд, нийтийн болон хувь ашиг сонирхолыг зохицуулах, ашиг сонирхолоос урьдчилан сэргийлэх энэ утга агуулгатай зөрөлдөж байна.

Хурлын хяналтын үүргийг биелүүлж хэрэгжүүлэх, Засаг даргын харъяа агентлагуудийн ажилтнуудын дүгнэж үнэлэлт өгөх зэрэг дээр хяналт хийх боломжгүй болно. Мөн өөрөө удирдах байгууллага, нутгийн захиргааны байгууллагуудын хоорондын зааг ялгаа байхгүй болох хяналт сулрах, улс төрийн асуудал гэх мэт олон асуудал дагаж гарч ирдэг учраас үүнийг хуучин төслөөр нь явуулах саналтай байна.