Нийслэлийн иргэдийн хурлын төлөөлөгч М.Говьсайхан, GCS Mongolia ТББ-тай хамтын ажиллагааны хүрээнд Сонгинохайрхан дүүргийн Эрүүл мэндийн төвийн эмч, эмнэлгийн ажилтан, албан хаагчдад корона вирус илрүүлэх оношлуур, хамгааллын хувцас, хэрэгсэл зэрэг нэн шаардлагатай эмнэлгийн хэрэгсэлийг хүлээлгэн өглөө. 

Тусламжийн зүйлсийг эмнэлгийн удирдлага болон ажилчдад "Global Civic Sharing Mongolia" ТББ-ын захирал Н.Батдорж, НИТХ-ын төлөөлөгч М.Говьсайхан, дүүргийн иргэдийн хурлын төлөөлөгч Д.Баярсайхан, СХД-ийн засаг даргын орлогч Э.Ниндэв нар гардууллаа.

Корона вирусийн халдвар тархаж, төр засгаас эхлээд аж ахуй нэгж, иргэд дор бүрнээ хичээж буй энэ цаг үед энэхүү тусламж нь цаг үеэ олсон хэрэгцээтэй байгааг эмнэлэгийн хамт олон талархан хүлээн авсан юм.

"Global Civic Sharing Mongolia" Төрийн бус байгууллага нь өнгөрөгч 11 дүгээр сард СХД-ийн зорилтот бүлгийн нийт 700 өрхөд амин дэм, шимт тэжээл болон хүнсний бүтээгдэхүүнийг дүүргийн өрхийн эмнэлгээр дамжуулан өгсөн юм.

М.Говьсайхан НИТХ-ын төлөөлөгч

Тусламжийг хүлээлгэн өгөх үйл ажиллагааны үеэр НИТХ-ын төлөөлөгч М.Говьсайхан хэлсэн үгэндээ,

Иргэдийн эрүүл мэнд, улс орныхоо аюулгүй байдлын төлөө цаг наргүй зүтгэж байгаа эмч, эмнэлгийн ажилчдадаа чин сэтгэлээсээ талархаж буйгаа илэрхийлээд, халдвар хамгааллын дэглэмээ сайн мөрдөж, өөрсдөө эрүүл байх нь чухал гэдгийг захиж хэллээ.