2020.12.17 | Vip76.mn

"Mongolian Hummer Club"-ийн залуус түлш, түлээгээ гэртээ хүргэхэд хүндрэлтэй иргэдэд тусаллаа

Цар тахалын хүнд үед "Mongolian Hummer Club"-ийн Hummer машин хөлөглөгч залуус хамтран ажиллах маш сайхан саналыг Нийслэлийн Засаг даргын Тамгын газарт ирүүлжээ. 

Харин Нийслэлийн Засаг даргын Тамгын газар, Тавантолгой ХХК-ний хамт олон уг саналыг дэмжин түлш түлээгээ гэртээ хүргэхэд хүндрэл бэрхшээлтэй, жижиг машин очих боломжгүй өндөрлөг цэгт амьдардаг айл өрхүүдэд түлшийг нь ойртуулан өгсөн байна. Мөн өөрсдийн зүгээс хандив цуглуулж түлшний болон хүнсний тусламжийг сэтгэлийн бэлэг болгон айл өрхүүдэд түгээжээ. Цар тахалын энэ үед Засгийн газрын шийдвэрээр Тавантолгой ХХК-ний сайжруулсан түлшийг 50 хувиас 75 хувь болон хямдаруулсан нь ард иргэдийн амьжиргаанд бодитой хувь нэмэр болж байна. 

Нийслэлийн Засаг даргын Агаар, орчны бохирдол хариуцсан орлогч дарга З.Төмөртөмөө: Мөнгөтэй чинээлэг хүн л бусдад тусладаггүй юм билээ. Харин бусдын төлөө сэтгэлтэй олон хүмүүсийн хичээл зүтгэлээр энэ чухал цаг үеийг хамтдаа даван гарах болно. "Mongolian Hummer Club"-ийн залуустаа талархал илэрхийлье.