Хассуурь сангаас санаачлан Монгол Эм Импэкс Концерн-той хамтран Куба улсын сүүлийн үеийн дэвшилтэт технологи болох чихрийн шижингийн хөлний шарх эдгээх ХЕБЕРПРОТ-П бэлдмэлийг эмчилгээ нэн шаардлагатай байгаа 10-н өвчтөнд хүлээлгэн өглөө.

Чихрийн шижин өвчний үед хөл, тулгуур эрхтэн орчимд шарх үүсэх нь түгээмэл тохиолддог бөгөөд энэ өвчнөөр оношлогдсон өвчтөнүүдийн 20 хувь орчимд хөлний хүндрэл илэрч, тэдний 90 хувь нь хөлөө тайруулах эрсдэлд ордог байна.

УИХ-ын гишүүн Х.Ганхуяг: Хэдийгээр үр дүн өндөртэй боловч, хэрэгцээт хүн бүр авч хэрэглэх боломжгүй байгаагаас өөрсдийн боломжоор цөөн боловч хүнд дэм болох зорилготой эхлүүлсэн энэхүү сайн үйлсийг дэмжин оролцсон Бүгд Найрамдах Куба Улсаас Монгол Улсад суугаа Онц бөгөөд Бүрэн эрхт Элчин сайд Раул Дэлгадо Консепсион болон Баянгол дүүргийн эрүүл мэндийн нэгдлийн удирдлага, төлөөллүүдэд талархал илэрхийлье!