Н.Энхтайван 2020.12.28 | Яамны хэвлэл мэдээллийн алба

Гадаад харилцааны сайд Европын холбооны элчин сайдтай цахим уулзалт хийлээ

Гадаад харилцааны сайд Европын холбооны элчин сайдтай цахим уулзалт хийлээ

Гадаад харилцааны сайд Н.Энхтайван Европын Холбооноос Монгол Улсад суугаа Элчин сайд Траян Христеатай 12 дугаар сарын 28-нд цахим уулзалт хийлээ. 

Уулзалтын үеэр Монгол, Европын Холбооны харилцаа, хамтын ажиллагааны талаар санал солилцов.

Мөн Монгол Улс, Европын Холбооны Хамтын ажиллагааны хамтарсан хорооны 20 дугаар хуралдааны мөрөөр 2021 онд хэрэгжүүлэх ажил, Европын Холбооны 2021-2027 оны хөгжлийн тусламжийн тэргүүлэх чиглэлийг хоёр талын урт хугацааны бодлоготой уялдуулах талаар ярилцлаа.

Сайд Н.Энхтайван Ковид-19 цар тахлын сорилтот үед тэргүүн эгнээнд ажиллаж буй эмч, эмнэлгийн ажилтан, цагдаагийн алба хаагчдыг вакцинжуулах шаардлага байгааг онцлон тэмдэглээд энэ хүрээнд вакцин авах асуудлаар Европын Холбоо болон түүний гишүүн улсуудтай үргэлжлүүлэн хамтран ажиллахаа илэрхийлэлээ.