Төрийн байгуулалтын байнгын хорооны өнөөдрийн хуралдаанаар /2020.01.12/ Төрийн албаны тухай хуульд нэмэлт, өөрчлөлт оруулах тухай хуулийн төсөл /Хөдөлмөрийн тухай хуулийн шинэчилсэн найруулгын төслийг дагасан, анхны хэлэлцүүлэг, санал, дүгнэлтээ Нийгмийн бодлогын байнгын хороонд хүргүүлнэ/;-ийг хэлэлцэж байна.

Хуулийн төсөлтэй холбогдуулан гишүүд асуулт асууж, хариулт хэлэн, санал хэллээ. 

УИХ-ын гишүүн Ж.Ганбаатар асуулт асуулаа:

Амралтын хоног гэдэг дээр Төрийн албаныхан маш олон хоног амардаг. Монгол Улсад хийх ажил их байх юм. Би энэ хуулийг бүхэлд нь 80 хувьтай сайн болсон гэж үзэж байгаа. Ажил олгогч, ажилчин хоёрын хоорондын зөрчил их болно. 82.1-р заалтыг хараарай. Чуулган дээр зүйл заалттай нь асууна. Том ААН-ийн хүний нөөцийн алба нь том байдаг. Хөдөлмөрийн хуулиа маш сайн танилцсан байдаг. Гэрээ хийхдээ их асуудал гаргадаггүй. Жижиг ААН-үүд л энэ дээр асуудал үүсгэнэ.

Харин хүний нөөцийн ажилтан гэж бараг байдаггүй газрууд олон байгаа. Ер нь бол 100-аас дээш ажилтантай газрууд бараг томоохон хуулийн байгууллагуудтай гэрээ хийж байгаа байх. Хөдөлмөрийн гэрээг яаж хийх, ямар арга хэмжээ авахыг нь хуулийн ферм нь төлөөлөөд явчихдаг. Нээх асуудал гарахгүй. Асуудал дээр ч нэг их ялагдаад байхгүй. Харин жижиг ААН-үүдэд асуудал үүснэ.

Энэ хууль хэдэн сарын хэднээс хэрэгжих вэ? 80-90 хувьтай дэмжиж байна. Миний хэлж байгаа асуудлуудыг авч хэрэгжүүлээсээ гэж хүсэж байгаа. Түүнээс хийж байгаа ажлыг үгүйсгээгүй болно.