Дархан-Уул аймгийн харьяат оюутан залууст зориулсан “ДАРХАНЫ ЗАЛУУС” ОЮУТНЫ ТЭТГЭЛЭГТ ХӨТӨЛБӨР 2021 тэтгэлэгт хөтөлбөрийг УИХ-ын гишүүн Г.Дамдинням тойрогтоо өнгөрсөн сард зарлаж байсан.

Хөл хорионы үед гэр гэрээсээ зайнаас суралцаж байгаа оюутан залууст боломж олгосон энэ тэтгэлэгт хөтөлбөрт 88 оюутан оролцжээ. Үүнээс шилдэг 20 оюутан шалгарч 2021-2022 оны хичээлийн жилд сар бүр 100 мянган төгрөгний тэтгэлэг авахаар боллоо.

Шалгарсан оюутнуудыг үнэлэхдээ оролцсон бүх оюутнуудын үнэлгээ, олон нийтийн хандалт, ажлын албаны үнэлгээг нэгтгэн гаргажээ.

Мөн шинэ үеийн залуус аливаад өөрийн байр суурьтай байж, бага залуугаасаа шийдвэр гаргалтад оролцож суралцах хэрэгтэй гэж үзэж оюутнуудаар өөрсдөөр нь үнэлүүлэх боломж олгожээ.

Г.Дамдинням гишүүн хамтын шийдвэр гаргах, бусдадаа хүндэтгэлтэй хандах нь ардчилсан, шинэ үеийн иргэн бүрт зайлшгүй байх ёстой чадвар гэдгийг онцолсон байна.

Ийнхүү Дархан-Уул аймгийн харьяат оюутан залууст бүгдээрээ хэлэлцвэл буруугүй гэдэг Монгол сайхан уламжлал, хамтын шийдвэр, хүлээн зөвшөөрөх чадвар, зөв хандлага гэсэн шинэ эриний үнэт зүйлс дээр суурилан хамтдаа шилдгүүдээ тодрууллаа. Энэ тэтгэлэг хөтөлбөр жил бүр зохион байгуулагдах юм байна.

Г.Дамдинням : "Дарханы залуус" оюутны тэтгэлэгт хөтөлбөрийн дүн гарлаа

Г.Дамдинням : "Дарханы залуус" оюутны тэтгэлэгт хөтөлбөрийн дүн гарлаа