Ё.Баатарбилэг 2021.01.13 | Vip76.mn

Ё.Баатарбилэг: Музейг хүүхдэд үнэгүй болгох асуудлыг хуульд тусгах нь зүйтэй

Боловсрол, соёл, шинжлэх ухааны байнгын хорооны өнөөдрийн /2020.01.13/ хуралдаанаар Музейн тухай хуулийн төсөл болон хамт өргөн мэдүүлсэн бусад хуулийн төслүүд /Засгийн газар 2020.05.01-ний өдөр өргөн мэдүүлсэн, анхны хэлэлцүүлэг/-ийг хэлэлцлээ.

Хэлэлцэж байгаа асуудалтай холбогдуулан гишүүд асуулт асууж, хариулт авлаа.

УИХ-ын гишүүн Ё.Баатарбилэг асуулт асуулаа: 

Хүүхдүүдээ музейгээ үнэ төлбөргүй үзүүлэхийн тулд хуульчлаад хэрэгжүүлээд явах нь зөв. Харин Монгол Улсын иргэн гэвэл яах бол? Даяаршаад гадныхан музейг их үздэг. Монголчууд гадаадад очоод гадаадын иргэн гээд өндөр төлбөртэйгээр үйлчлүүлдэг. Монгол Улсын 16 хүртэлх насны иргэн гэж байвал зүгээр энэ талаар ажлын хэсэг дээрээ ярьсан юм байна уу? Харин энэ хуулиар бол хүүхэд бол хүүхэд гээд явах нь байна.

Түүний асуултанд Ажлын хэсгийн ахлагч Ч.Ундрам хариуллаа. 

Гадаадын иргэдээс өөр ялгаатай төлбөр авах нь зохимжгүй юм гэсэн санал гаргасан. Хүнийг ялгаварлан гадуурхаж болохгүй бүгдэд нь ижил үнэ тогтооё гэсэн. Хэрвээ гадаад хүүхэд үзвэл харгалзагчтайгаа ирж үзнэ тэр хүн нь төлбөрөө төлнө байх гэж ярьсан байгаа. 

Түүний асуултанд Соёлын сайд С.Чулуун хариуллаа. 

9-р сарын 1-ээс музейг үнэгүй болгосноос хойш нийт музей үзэгчдийн 80 хувь нь хүүхэд болсон. Эцэг эхтэйгээ ирж чөлөөт цагаа өнгөрөөх, соён гэгээрүүлэх төв болж хувирсан. Үүн дээр Монгол Улсын гэдэг заалт хийж болно.