2021.01.26

С.Одонтуяа: Ковидоор улстөржихгүй гэчхээд өөрсдөө ингэж хандаж болохгүй

УИХ-ын Аюулгүй байдал, гадаад бодлогын байнгын хороо хуралдлаа. Хуралдаанаар УИХ-ын гишүүн Ц.Туваан болон УИХ дахь Ардчилсан Намын гишүүдийн хамтран боловсруулсан Коронавируст халдварын (Ковид-19) цар тахлаас урьдчилан сэргийлэх, тэмцэх, нийгэм, эдийн засагт үзүүлэх сөрөг нөлөөллийг бууруулах тухай хуульд нэмэлт, өөрчлөлт оруулах тухай хуулийн төслийг хэлэлцлээ.

Хуулийн төсөлтэй холбогдуулан УИХ-ын гишүүд асуулт асууж, санал хэллээ. 

УИХ-ын гишүүн С.Одонтуяа:

Ковидоор улс төржихгүй гэсэн хэрнээ улс төржөөд байна. Ардчилсан намын бүлгийн гишүүдийн санаачилсан хуулийг дэмжих хэрэгтэй байсан. Олон удаа ярилцсан. Дэмжээд, хамтраад нэг болгоод оруулах саналтай байхад ингэж унагах муухай л байна. Энэ хуульд маш олон чухал зүйл заалттай байсан. Ялангуяа миний яраид байдаг гадаадад байгаа Ионгол иргэдийн эрх ашгийг яаж хамгаалах юм, ямар байгууллага юуг хариуцах юм гэдгийг тодорхой заасан. 

Энэ хуульд юу гэж зааснаа та нарт сонс. Гадаад улсад байгаа Монгол Улсын иргэн эх орондоо буцах эрх, улсын хилээр нэвтрэх эрхийг баталгаатай эдэлнэ гэж заасан байна. Энэ чинь үндсэн хуульд заачихсан. Үндсэн хуулийн 16.18-д заачихсан заалтын энэ хуульд хуулчихаад гадаадад байгаа иргэдийн эрх ашгийг хамгаална гэж байхгүй. Энэ чинь үндсэн хуулиар олгогдсон эрх. Өөрсдөө ийм юм оруулчихаад хүмүүс суугаад, хөдөлмөр гаргаад чухал заалтыг оруулж байхад дэмжихгүй унагаж байгаа нь муухай л байна. 

М.Оюунчимэг гишүүнд хүсэлт байна. Ц.Сэргэлэн гишүүн ажлын хэсэг ахлах юм байна. Энэ хуулинд байгаа чухал заалтуудыг авах хэрэгтэй. Энэ заалтыг би өөрийн биеэр бичиж өгье. Өглөө хүний эрхийн дэд хороо хуралдсан. Ямар ч улс төржилт байхгүй. Үнэхээр гадаадад байгаа иргэдийнхээ эрх ашгийг арай л их хөсөрдүүллээ. Сайн ажилласан тал бий. Тэгэхдээ 4000 иргэд эх орондоо ирмээр байна гэж байна. Эх орондоо ирж ясаа тавимаар байна гэж уйлж байна. Өнөө маргаашгүй төрөх гээд байна. Эх орондоо очиж төрмөөр байна, хүүхдээ 6 сар харсангүй ийт хүмүүс зөндөө байгаа.