УИХ-ын чуулганы \2021.01.27\ нэгдсэн хуралдаанаар Монгол Улсын Ерөнхий сайдаар томилох тухай асуудлыг хэлэлцэж байна.

Хэлэлцэж байгаа асуудалтай холбогдуулан гишүүд асуулт асууж, хариулт авлаа.

УИХ-ын гишүүн Д.Ганбат: 

Та 1980 оны хүн, Ерөнхий сайдаар орж ирж байна. Та богино хугацаанд өндөр карертай ажилласан байна. Залуучуудад ийм боломж байгаа юу? Би гайхаж байна. Монгол улсын Засгийн газар алдаа гаргаад огцорсон. Яагаад огцорсон хэрнээ, орж ирж байна вэ? Та богино хугацаанд амжилттай ажилласан. Оюутолгойн асуудал маш чухал. Та 2018 оноос Засгийн газрын хэрэг эрхлэх газрын даргаар ажилласан. Далд уурхай дээр 2 тэрбум доллар нэмэгдсэн байна.2050 онд бид хувь авна. Цаашдаа яаж ажиллах вэ? Монголын ард түмнийг басаж болохгүй шүү.

Монгол улсын сайд, Засгийн газрын хэрэг эрхлэх газрын дарга Л.Оюун-Эрдэнэ:

Би 1980 онд төрсөн. Намайг 2-р ангид байхад ардчилал гарсан.Өнгөрсөн 30 жилийн алдаа оноотой бүхэл бүтэн 30 жилд 80 аад оныхонд амаргүй байсан. Үүнийг үүрч байсан 80 аад оныхоны төлөөлөл. 

Ах нараас илүү ардчиллын үнэт зүйлийг илүү ойлгоно. Дубайн гэрээг та улс төржиж асуулаа. Та Эрдэнэтийн 49 хувь, Өршөөлийн хуультай холбоотой, Дубайн гэрээн асуудлыг Сайханбилэгээс асуу. Би тэр цаг үед байгаагүй. Өнгөрсөн 2 жилд энэ асуудлыг цэгцлэх гэж хичээсэн. Цаашдаа ч энэ байр суурин дээрээ байх болно.

Сэтгүүлч

Сэтгүүлч Ц.Соёлмаа soyolmaa@vip76.mn