Нийcлэлийн Засаг даргын захирамжийн хэрэгжилтэд СХД-ийн Засаг дарга, онцгой байдлын газар, мэргэжлийн хяналтын хэлтэс хамтран хяналт тавьж ажиллалаа.

Үйл ажиллагаа нь хэвийн явагдаж байгаа үсчин, ломбард, нийтийн хоолны газар, жижиг худалдаа эрхлэгчид, банк болон түргэн үйлчилгээний цэгүүдээр халдвар хамгааллын дэглэм сахиулах, халдвараас урьдчилан сэргийлэх ажлыг зохион байгуулж, заавар зөвлөмжийг өгсөн байна.

Сонгинохайрхан дүүргийн Засаг дарга Н.Алтаншагай “Хязгаарлалт тогтоохгүй үйл ажиллагаанд мөрдөх халдвар хамгааллын нийтлэг түр заавар, зарим үйлчилгээнд тавигдах тусгай нөхцөл шаардлагыг Нийслэлийн Засаг дарга 2020.12.11-ний өдөр баталсан. Тиймээс үе шаттайгаар нээгдэж байгаа аж ахуйн нэгж, байгууллагууд ДЭМБ, ЭМЯ-наас өгсөн зөвлөмжийн дагуу батлагдсан нийтлэг түр зааврыг мөрдөж, коронавирусийн халдвараас сэргийлэхийг уриаллаа".

СХД-ийн аж ахуй нэгжүүдэд халдвар хамгааллын дэглэм мөрдүүлж ажиллалаа