51
2021.01.29

Д.Ганбат: Ардчилсан нийгэмд залуус амжилттай амьдрах боломжийг бүрдүүлээрэй

УИХ-ын чуулганы өнөөдрийн \2021.01.29\ хуралдаанаар Монгол Улсын Ерөнхий сайд Л.Оюун-Эрдэнэ Засгийн газрын гишүүдийг танилцуулж байна. 

Гишүүд Засгийн газрын гишүүдээс асуулт асууж хариулт авлаа.

УИХ-ын гишүүн Д.Ганбат: 

"Өмнөх Засгийн газрын гишүүд тал хувь нь эргээд орж ирсэн байна. У.Хүрэлсүх Ерөнхий сайд офицер хүн шиг хариуцлагаа хүлээж чадлаа. Түүнчлэн Шадар сайд Я.Содбаатарын барьж байсан стратеги бол маш зөв байсан. Сүүлийн хэд хоногт коронавирусыг алдчихлаа. Өнөөдөр Коронавирустай тэмцэх яам байгуулаад орж ирэх байсан ч та нар чадсангүй.

Монголчууд ардчилсан нийгэмд амьдарч байна. Тан шиг залуучууд ч амжилттай явах ёстой. Хойд солонгос шиг Ким жон уныгаа дороос нь хараад амьдармааргүй байна. Энэ улсад өөр өөрийн салбараар яваад амжилттай байж чаддаг нийгмийг бий болгоорой.

Сүүлийн үед сэтгүүлчид цахим орчныг ашиглаж чадсан хүмүүс л дарга сайд болдог байдал газар авлаа. Үүнийг засах хэрэгтэй.

Цар тахлын эсрэг танай Засгийн газар яаж ажиллах вэ?

Дарханы замыг тавих тал дээр юу хийх вэ? АН бол сурталчилгаанаас илүү ажлаа хийдэг хүмүүс Гансүх сайдын үед 2500 гаруй км замыг тавьсан. Гэтэл өнөөдөр 400 км орчим зам тавих ажил хэзээ хийгдэх вэ Халтар сайд аа. Цаашид хамтраад сайн ажиллана."

Сэтгүүлч

Редактор Ц.Соёлмаа soko@vip76.mn