Нэг шинжилгээ" арга хэмжээ зохион байгуулахтай холбоотойгоор УОК,ын дарга, Шадар сайд С.Амарсайхан болон хотын дарга Д.Сумъяабазар нийслэлийн есөн дүүргийн онцгой комисс, засаг захиргааны удирдлагуудтай уулзаж үүрэг чиглэл өглөө.

Нийслэлд энэ сарын 11-23-нд Гамшгаас хамгаалах бүх нийтийн бэлэн байдлын зэрэгт шилжих бөгөөд хөл хорионы үеэр нийслэлийн 420 орчим мянган өрхөөс PCR шинжилгээ авахаар төлөвлөж байгаа юм.

Дээрх хугацаанд 411 420 өрхөөс нэг гишүүнийг заавал шинжилгээнд хамруулах бөгөөд үүнд нийслэлийн 15 184 албан хаагч үүрэг гүйцэтгэнэ. Шинжилгээг явуулын 50, түр 73 цэгээр авч, өдөрт 42250 хүнээс сорьц шинжилгээ авахаар төлөвлөж байна. Энэ үеэр нийгмийн халамж шаардлагатай 21000 өрхөд хүнсээр туслах юм.

Нийслэлийн Засаг дарга бөгөөд Улаанбаатар хотын захирагч Д.Сумъяабазар: “Дүүрэг, хороодын Засаг дарга нар энэ ажилд бүх хүчээ дайчлан, зөв зохион байгуулалттай оролцох ёстой. Дүүрэг бүхэнд хэрэгжүүлэх ажлын нарийвчилсан төлөвлөгөө гаргасан. Мөн шинжилгээний цэг, тандалтын баг, лабораторид ажиллах хүн хүчний судалгааг гаргах, арга зүйгээр хангах бэлтгэлээ түргэн хийж хэрэгжүүлээрэй” гэв.

Мөн тэрбээр бэлэн байдлын зэрэгт шилжсэн үед үүрэг гүйцэтгэх алба хаагчдын хувцас, хамгаалах хэрэгсэл, хорио цээрийн үед гудамж талбайн хэв журмыг сахиулах ажлыг өндөр түвшинд зохион байгуулахыг үүрэг болгов.

Хамгийн гол нь иргэдэд шинжилгээнд хамрагдах өдөр, цагийг мэдэгдэж, идэвхтэй хамруулахыг анхаарууллаа.

Мөн нийслэлд түр оршин суугч, хаягийн бүртгэлгүй иргэдийг ч энэхүү шинжилгээнд заавал хамруулах бөгөөд, гэр бүлийн хүчирхийллээс сэргийлэх, бага насны хүүхэд асаргаа хамгаалалтгүй байгаа эсэхэд хяналт тавьж ажиллахыг сануулав.

Есөн дүүргийн онцгой комисс, удирдлагад үүрэг чиглэл өглөө