Улсын Их Хуралд Авлигын эсрэг бүлэг байгуулагдсан.

Энэ бүлгийг УИХ-ын гишүүн Ж.Сүхбаатар УИХ-ын дэд дарга С.Одонтуяа болон Х.Булгантуяа,Т.Доржханд,Ц.Мөнхцэцэг, Б.Энхбаяр нарын гишүүдтэй санал нэгдэн хамтран байгуулсан аж.

Авилгын эсрэг бүлэг

Тус бүлгийн гишүүд албан тушаалтнуудын авлига авах боломжийг хааж, иргэдэд “тэгш боломж” олгохын төлөө бид зүтгэнэ гэдгээ илэрхийлээд байгаа.

Энэ бүлгийг санаачлагч Ж.Сүхбаатар гишүүн 2010 онд УИХ-ын гишүүн Х.Тэмүүжин, Ж.Энхбаяр нарын хамт УИХ-д анхны Авлигын эсрэг парламентын бүлэг байгуулж,анх удаа албан тушаалтнуудын хөрөнгө, орлогын мэдүүлгээр нийтийн сонсгол хийж, бас сонирхлын зөрчлийг зохицуулах хуулийг анх удаа санаачлан батлуулж, сонирхлын зөрчлийн мэдүүлэг авдаг болгон АТГ-ын хүчин чадлыг бэхжүүлэхэд анхаарч ажиллаж байсан туршлагатай гишүүн юм.

Улсын Их Хуралд Авлигын эсрэг бүлэг байгуулагдсаныг иргэд нилээн идэвхтэй дэмжиж, сэтгэгдлээ Ж.Сүхбаатар гишүүний цахим хуудсанд илэрхийлсээр байна.

Сэтгүүлч

Сэтгүүлч Ц.Соёлмаа soyolmaa@vip76.mn