Г.Амартүвшин гишүүн тойргийнхоо иргэд болон Засаг дарга нартай уулзаж, тулгамдаж байгаа асуудлын гарц, шийдлийн талаар ярилцлаа.

УИХ-ын гишүүн Г.Амартүвшин Хан-Уул дүүргийн иргэд болон дүүргийн Засаг Даргатай ээлжит уулзалтаа хийлээ. Тус дүүргийн хувьд цэцэрлэг, сургуулийн бага насны хүүхэдтэй залуу өрхүүд ихтэй.

Гэтэл зарим хороодод газрын зохион байгуулалт муу хийгдсэн, газар олголт замбараагүй явагдсанаас үүдэж цэцэрлэг сургуулийн хүрэлцээ муу байгаа зэрэг асуудлууд хөндөгдөж байна. Эдгээр асуудлыг яаралтай судалж, шаардлагатай арга хэмжээ авахаар хичээн ажиллах болно гэдгээ гишүүн илэрхийллээ. 

 Мөн Г.Амартүвшин гишүүн ЕБС-аа төгсөж, мэргэжил сонголтоо хийх чухал үе дээрээ явж байгаа төгсөх ангийн сурагчдадаа зориулан ЭЕШ-аа амжилттай сайн өгөх, нийгмийн идэвх оролцоотой байх, цаашлаад амжилттай суралцсан ХУД-ийнхээ сурагчдад тэтгэлэг олгох зорилгоор NextGen Хөтөлбөр-г санаачлан зохион байгуулж байгаа билээ.

Хөтөлбөрийн сургалтууд 7 хоног бүр Next Gen фейсбүүк группэд зохион байгуулагдаж, долоо хоног бүр өөр өөр зочдыг урьж оролцуулж байгаа юм.

Өнгөрсөн7 хоногт залуучуудын сайн мэдэх Томьёо апп-ын үүсгэн байгуулагч Bayarsaikhan Volodya оролцсон. Сурагчид маань дараа дараагийн сургалтдаа идэвхтэй хамрагдаж, Next Gen хөтөлбөрийн амжилттай суралцагчдын нэг болж, ЭЕШ-аа амжилттай өгөхийг гишүүний зүгээс хүсэж байгаагаа өөрийн цахим хуудсаараа дамжуулан илэрхийлсэн юм.

Сэтгүүлч

Сэтгүүлч Ц.Соёлмаа soyolmaa@vip76.mn