АН-ын түүхэнд сорилт тулгараад байгаа энэ цаг үед тус намын даргын сонгуульд нэр дэвшин өрсөлдөж байгаа нэр дэвшигчдийг Ардчилсан намын гишүүд, сонгогчид халуун дотноор хүлээн авч байгаагаа илэрхийлж байна.

АН-ын даргын сонгуульд нэр дэвшигчид болох Отгондаваагийн Амартүвшин, Даваахүүгийн Пүрэвдаваа, Одонгийн Цогтгэрэл, Сүхбаатарын Эрдэнэболд нарын мөрийн хөтөлбөрөө гишүүдээ танилцуулах уулзалт, цар тахлын нөхцөл байдлаас улбаалж, УОК-аас гаргасан дүрэм журмын хүрээнд зайнаас буюу цахимаар зохион байгуулагдаж байгаа юм. Анхны онлайн уулзалт Архангай, Булган, Баянхонгор аймаг болон Нийслэлийн БЗД-ээс эхэллээ.

Нэр дэвшигч Отгондаваагийн Амартүвшин “Ардчиллын 5 ялалт ард түмний 5 ялалт”, нэр дэвшигч Даваахүүгийн Пүрэвдаваа “Зогсолтгүй урагшилж, тогтвортой хөгжье” Одонгийн Цогтгэрэл “Цуг шинэчилье” нэр дэвшигч Сүхбаатарын Эрдэнэболд Эв нэгдэл- Сөрөг хүчин- Ялалт 24 гэсэн уриатайгаар энэ удаагийн намын даргын сонгуульд оролцож, энэ үзэл баримтлалаар боловсруулсан мөрийн хөтөлбөрөө гишүүд дэмжигчиддээ танилцуулж байна.

Нийслэлийн БЗД-ийн гишүүд, дэмжигчидтэйгээ онлайн уулзалт үргэлжиллээ. Шинэ, залуу эрч хүчтэй 70,80 оны залуус намын даргад нэр дэвшин, эв эеийг эрхэм болгон сонгуулийн сурталчилгаагаа явуулж буйд АН-ын гишүүд талархан хүлээн авч байна.Эв нэгдлээ эрхэмлэн намаа эрс шинэчлээрэй гэдэг захиасыг цахим уулзалтад оролцсон нам гишүүд хэлж, нэр дэвшигчдэд амжилт хүслээ.

Ардчилсан намын даргын сонгуульд нэр дэвшигчид гишүүд, сонгогчидтойгоо цахимаар уулзлаа