УИХ-ын гишүүн Ж.Сүхбаатар Чингэлтэй дүүргийн Аврагч спорт хороон дээр очиж Ковид-19-ын эсрэг вакцинд хамрагдлаа. Тус дүүргийн хэмжээнд Хайрхан хөгжлийн төв-2, Хайлаастын амбултори, Аврагч спорт хороо гэсэн 3 газар дархлаажуулалтын цэгүүд ажиллаж, өдөрт дунджаар 2000-2200 орчим хүн хамрагдаж байна.

Харин Гишүүний очсон хороо 8 цэгээр өдөрт 700-900 орчим иргэд вакцинд хамрагдаж байгаагаас гадна ямар нэг сонголтгүй БНХАУ-ын Синофармын вероселл вакциныг иргэдэд тарьж үйлчилж байна.

Ж.Сүхбаатар гишүүн

миний хувьд тэргүүн ээлжинд вакцинд хамрагдах хүмүүсийн дараах нийтийг хамарсан вакцинжуулалт эхэлсэн үед иргэдээ уриалж, байгаа вакциныг нь тариулна гэж бодож ирсэнээрээ эхний тунгийн тарилгаа хийлгэсэн байна. Дараа нь 15 минут хэртэй биеийн байдлаа ажиглах ёстой гэсэн тул хүлээж тэндээ суулаа. Зохион байгуулалт сайтай ажиллаж байлаа. Гадаа болон дотор хүлээж буй иргэд сонгогчидтойгоо товч санал бодлоо хуваалцлаа. Вакцинжуулалтад иргэд идэвхтэй хамрагдаж байгаа нь очер дараалал их байгаагаас харагдаж байна лээ. Гадаа таарсан нэг иргэн ямар вакцин байгааг мэдэхгүй, гэхдээ хийлгэнэ, та хийлгээд гараад ирэхээр харъя гэж хүртэл хошигнож байсан. Яаралтай тусламж үзүүлэх эмчийн яриагаар бол одоогоор цөөн хэдэн хүнд л тодорхой шалтгааны улмаас эвгүйрэх зарим шинж илэрсэн. Бусдаар зүгээр гэв. Иргэдээ төлөөлж ажилладаг хүний хувиар миний бие ил тод тарилгаа хийлгэж иргэдээ уриална гэж өмнө нь мэдэгдэж байсан. Ингээд өнөөдөр өөрийн сонгогдсон тойрогтоо тариуллаа. Дараачийн тунг 2021.04.13-нд хийлгэнэ.Нийт иргэддээ товлосон тогтоосон цаг, газартаа очиж дархлаажуулалтад хамрагдаарай гэж уриалж байна, өөрийгөө хамгаална гэдэг бусдыг хамгаалах нийгмийн хариуцлагаа биелүүлж байгаа журамт үүрэг шүү"

гэж өөрийн цахим хуудаснаа мэдээлэл оуулж, иргэдийг вакциндаа идэвхтэй хамрагдахыг уриалсан байна.

Сэтгүүлч

Сэтгүүлч Ц.Соёлмаа soyolmaa@vip76.mn