УИХ-ын чуулганы өнөөдрийн \2021.03.25\ нэгдсэн хуралдаанаар Улсын дээд шүүхээс ирүүлсэн, Монгол Улсын Үндсэн хуулийн цэцийн гишүүнийг томилуулах саналыг хэлэлцэж байна. 

Гишүүд хэлэлцэж байгаа асуудалтай холбоотой асуулт асууж хариулт авлаа.

УИХ-ын гишүүн Ё.Баатарбилэг: 

"Үндсэн хуулийн цэц нь улс төрийн байгууллага биш учраас хуулиа дээдлэн ажиллана гэж итгэж байна. ҮХЦ-ийн гишүүнээр олон жил ажиллаад тухайн хүн өөрөө насны хязгаар болоод, хугацаа нь дууссан бол өргөдөлөө өгчихөж болдоггүй юм уу? УИХ-д оруулж ирээд улс төржилт үүсэх нөхцөл үүсгээд байна. Төрийн албаны хууль зөрчөөд байхад улс төрийн хэрүүлийн шалтгаан болоод суудаг нь ямар учиртай вэ?

Дээд шүүх энэ асуудлыг яагаад хууль зөрчин, ингэж удаасан бэ? Төрийн эрх барих дээд байгууллагаас шаардсан олон бичиг явуулсан байхад биелүүлээгүй, хууль хэрэгжүүлээгүй Дээд шүүхийн ямар албан тушаалтан байна вэ? Нэгэнт өнгөрсөн гээд орхиж болохгүй. Хариуцлага тооцох ёстой. Гаргасан шийдвэр нь нотолгоогүй, хүмүүсийг хэлмэгдүүлдэг. Эдгээр хүмүүст хариуцлага тооцох уу?"

Түүний асуултанд Хууль зүйн байнгын хорооны дарга С.Бямбацогт хариуллаа.

Сэтгүүлч

Редактор Ц.Соёлмаа soko@vip76.mn