2021.04.01

Х.Ганхуяг: Оюутолгойтой холбоотой 4 гэрээнд байгаа засах шаардлагатай заалтыг хэлэлцээрээр засах уу?

УИХ-ын чуулганы өнөөдрийн \2021.04.01\ үдээс хойших хуралдаан эхэллээ. Хуралдаанаар Монгол Улсын Ерөнхий сайдын 2021 оны 45 дугаар захирамжаар байгуулагдсан “Оюутолгой ордын ашиглалтад Монгол Улсын эрх ашгийг хангуулах тухай” Улсын Их Хурлын 2019 оны 92 дугаар тогтоолыг хэрэгжүүлэх ажлыг удирдан зохион байгуулах, Оюутолгой төслийн гаднын хөрөнгө оруулагч талтай хэлэлцээ хийх, төслийг тохирох, эцэслэсэн хувилбарыг танилцуулах үүрэг бүхий ажлын хэсгээс хэрэгжүүлж буй ажлын явцын талаарх мэдээллийг сонсож байна.

Мэдээлэлтэй холбогдуулан УИХ-ын гишүүд ажлын хэсгээс асуулт асууж, санал хэллээ.

УИХ-ын гишүүн Х.Ганхуяг:

"Бид хэсэг гишүүдийн хамтаар хөрөнгө оруулалт, Дубайн, зээлийн, хувь нийлүүлэгчдийн гэрээг будлан 55 санал бүхий дүгнэлт хүргүүлсэн. Энэ гэрээнд Монгол Улсын үр өгөөж 53%-иас доошгүй байна гэж заасан байдаг. Энэ юуны үр өгөөж гэдэг нь тодорхойгүй. ОТ компанийн хувьцаа эзэмшигчийн үүднээс үр өгөөж авах уу? улсын эдийн засагт үзүүлж байгаа үр өгөөжөөс 53% авах юм уу? гэдгийг тодорхой болгох,

Менежментийн төлбөр өгдөг болсноос хойш гэрээний зүйл заалт хамгийн том асуудал болсон ОТ төслийн зардлын хэтрэлт гэх мэт асуудал бий. Менежментийн төлбөрийг тухайн компанийн зардлын 3-6%-иар тооцож өгдөг болсон нь зардлыг ихэсгэх, цаг хугацаанд нь ашиглалтад оруулахгүй байх ашиг сонирхол харагдаж байна. 

Хамаарал бүхий этгээдтэй хэлэлцээр хийх Монголын талаас зөвшөөрөл авахгүйгээр олгосон нь эргээд зардлыг нэмэгдүүлэхэд нөлөөлсөн харагдаж байгаа юм. Үүнийг засах уу?"

Түүний асуултанд ажлын хэсэг хариулт өглөө. 

Сэтгүүлч

Редактор Ц.Соёлмаа soko@vip76.mn