Ардчилсан нам шинэ даргаар О.Цогтгэрэлийг батламжиллаа
2021.04.05

Ардчилсан нам шинэ даргаар О.Цогтгэрэлийг батламжиллаа

Өнөөдөр /2021.04.03/ Ардчилсан нам ээлжит бус их хурлаа хийж, дотоод сонгуулиар сонгогдсон шинэ дарга О.Цогтгэрэлийг батламжиллаа.

Үүнтэй холбоотойгоор УИХ-ын гишүүн Ц.Туваан 
2020.6.25-ны өдрөөс хойш намын даргын үүрэг гүйцэтгэх хариуцлагатай ажил надад оногдож Ардчилалд хайртай, ардчиллыг хамгаалдаг олон мянган гишүүдийнхээ итгэлийг алдахгүйг хичээн ажиллаа. Манай намыг хүчгүй болгох гадна дотны санаархагчдын хатгаас хавчлагатай амаргүй өдрүүдийг бид хамтдаа үдэж байна. Өнөөдрийг хүртэл хамтран ажилласан ХЭГ-ийн дайчин залуустаа баярлалаа. Итгэж, бусдын ятгалагт авталгүй намаа хамгаалж ирсэн журмын нөхөд, анхан дунд шатны нэгжийн удирдлага, гишүүддээ хүндэтгэл үзүүлье. Миний бие монголын ардчиллыг хамгаалахын төлөө, хүмүүнлэг иргэний ардчилсан нийгмийг жинхэнэ ёсоор байгуулахын төлөө, тэгш эрх, адил боломжийн төлөө, иргэндээ ээлтэй нийгмийн төлөө, баялагийн шударга хуваарилалтын төлөө Та нөхөдтэйгээ хамтран зүтгэх болно. Монголын Ардчилал бадартугай!

хэмээн Ц.Туваан гишүүн өөрийн цахим хуудаснаа бичсэн байна.

Сэтгүүлч

Сэтгүүлч Ц.Соёлмаа soyolmaa@vip76.mn