УИХ-ын чуулганы өнөөдрийн \2021.04.08\ нэгдсэн хуралдаанаар  “Үндсэн хуулийн цэцийн гишүүнээр томилох, Үндсэн хуулийн цэцийн гишүүнээс чөлөөлөх тухай” Улсын Их Хурлын 2021 оны 31 дүгээр тогтоолд хэсэгчлэн тавьсан Монгол Улсын Ерөнхийлөгчийн хоригийг хэлэлцэж байна. 

Ерөнхийлөгчийн хоригтой холбогдуулан УИХ-ын гишүүд асуулт асууж, санал хэллээ.

УИХ-ын гишүүн Д.Батлут: 

"Энэасуудалд УИХ-ын цөөнхийн бүлэг хэт явцуурсан байдал гаргаж байгаад харамсаж байна. УИХ хууль зөрчиж, гажуудсан байдлыг засах гэж байна. Байнгын хороо болон С.Бямбацогт гишүүн маш тодорхой хариуллаа.

ҮХЦ-ийн гишүүний бүрэн эрхийн хугацаа нь дуусаад жил гаруй өнгөрсөн байна. Энэ асуудлыг шийдэхийн тулд олон удаа хичээн чармайсны үр дүн хуулийн хүрээнд шийдээд явж байгаа асуудал юм. үүнийг цөөнх улс төржүүлж, УИХ болон Ерөнхийлөгч эрх мэдлээ булаалдаж байгаа мэт олон нийтэд ойлгуулж байгааг болих хэрэгтэй. Энэ бол нийгмийн хөгжилд чөдөр тушаа болно. Бид өөрсдөө үлгэрлэх ёстой. Тиймээс гишүүд нэгдмэл ойлголттой цааш явах хэрэгтэй. Хуулийн хүрээнд явагдаж байгаа шийдвэрийг дэмжиж, нийгэмд зөв ойлголт өгөх ёстой."

Сэтгүүлч

Редактор Ц.Соёлмаа soko@vip76.mn