2021.04.08

Ц.Туваан: МАН-д таалагдаагүй санал гаргасан ҮХЦ-ийн гишүүнийг чөлөөлж байна

УИХ-ын чуулганы өнөөдрийн \2021.04.08\ нэгдсэн хуралдаанаар  “Үндсэн хуулийн цэцийн гишүүнээр томилох, Үндсэн хуулийн цэцийн гишүүнээс чөлөөлөх тухай” Улсын Их Хурлын 2021 оны 31 дүгээр тогтоолд хэсэгчлэн тавьсан Монгол Улсын Ерөнхийлөгчийн хоригийг хэлэлцэж байна. 

Ерөнхийлөгчийн хоригтой холбогдуулан УИХ-ын гишүүд асуулт асууж, санал хэллээ.

УИХ-ын гишүүн Ц.Туваан:

"Үндсэн хууль зөрчөөгүй асуудлаар ҮХЦ дээр маргаан үүсгэж байгааг би гайхаж байна. Би Монгол Улсын хууль тогтоох эрх мэдэл зөвхөн УИХ-д хадгалагдаж байгаа гэж боддог. УИХ-аас баталсан Ерөнхийлөгчийн сонгуулийн тухай хуульдөмнө нь ерөнхийлөгчөөр ажиллаж байсан хүнийг ерөнхийлөгчийн сонгуульд өрсөлдүүлж болохгүй гэсэн заалт байхгүй гэж хэлэхээр өргөдөл бичээд өгчихдөг. Үүн дээр маргаан үүссэнийг гайхаж байна. Цэц тийм заалт нэмэх болж байна уу? 

Цэцийн 2 гишүүн байхад нэгийг нь оруулж ирээд нөгөөг нь үлдээж байгааг гайхаж байна. Эрх тэгш байх зарчим хаачсан бэ? АН-ыг дэмжсэн шийдвэр гаргасан хүнийг явуулдаг. Өөр шийдвэр гаргаж байгааг нь үлдээдэг нь эрх тэгш байдал мөн үү?

Сүүлийн үед арай дэндэж байна. хууль бус байдал, хэт олуулаа хүч түрдэг, хуулийн дээр нам гардаг байдал арай дэндэж байна. Бүх ард түмнээс сонгогдсон ерөнхийлөгчийг муулах бүх ажлыг хийж байна. Өөр муулах асуудал байгаа ч нэг хүн рүү л бүгдээрээ дайрч байна. Сонгуульд бөхөөр бол 2 хөл гарыг нь хүлж байж барилдах гээд байгаа юм уу?

Байнгын хороон дээр хориг тавих эрхтэй эрхгүй гээд яриад байна. Бид Үндсэн хуульд Ерөнхийлөгчийн эрхийг хязгаарлсан заалт дээр тавтсан хоригийг нь хүлээгээд авсан биздээ. Ерөнхийлөгч бүх асуудлаар хориг тавих боломжтой болсон. Хэдхэн сарын өмнө хийсэн үүнийгээ мартчихсан юм уу? Үүнийг ойлгохгүй байна.

Бага суудлын хурал гэж ямар зарчимтай зүйл вэ? Хурал нь болж байхад дундаас нь гарч яваад, тэнд байсан гишүүнийг нь чөлөөлөөд хаячихсан. Бид хурлын протокол зэргийг үзэж болохгүй юу? Дунд суудлынх нь болдог хэрнээ бага хурлынх нь яагаад болдоггүй юм бэ? хуульд ямар зохицуулалт орсон бэ? Протоколийг нь татаж үзэх боломжтой юу?

Монголын ард түмэн тэнэг биш ээ. Хэн хэн рүү хэрхэн дайрч байгааг харж байгаа шүү."

Сэтгүүлч

Редактор Ц.Соёлмаа soko@vip76.mn