Монгол Улсын Засгийн газраас өнгөрөгч бямба гарагаас эхлэн орон нутгийн иргэдийн дархлаажуулалтын ажлыг эрчимжүүллээ. Энэ хүрээнд 11 аймаг руу 93,000 тун вакцины тээвэрлэлтийг цагдаагийн хамгаалалттайгаар түгээлээ.

Энэ хүрээнд Говь-Алтай аймагт 12500 хүн тун вероселл вакциныг илгээгээд байна. Мөн 05 сарын 2-ны өдөр Явуулын лаборатори болон Тандалт судалгааны баг тус аймагт ажиллахаар ХӨСҮТ-ээс хөдөлжээ. Түүнчлэн халдварын голомтод ажиллаж буй албан хаагчдад халдвар, хамгааллын хувцас хэрэгсэл хүргэгдэж байгаа юм.

Тун удахгүй дахин 12500 тун вакцин явуулахаар болсон. Говь-Алтай аймгаас сонгогдсон УИХ-ын гишүүн Б.Энх-Амгалан идэвх санаачилгатай ажиллаж, Улсын онцнгой комисс болон Шадар сайдад хүсэлт тавьж байсны дагуу дээрх ажлыг эхний ээлжинд шуурхай шийдвэрлүүлээд байна.

Хөдөө орон нутагт 18-50 насны 808,284 хүн, 50-аас дээш насны 305,950 хүн амьдарч байгаагаас 2021 оны 5 дугаар сарын 1-ний өдрөөс эхлэн 50-аас дээш насны иргэдийг вакцинжуулах ажлыг эхлүүлсэн. Монгол Улсын Засгийн газар, Улсын Онцгой Комисс дархлаажуулах үйл ажиллагааг үе шаттайгаар зохион байгуулж, 2021 оны 7 дугаар сар гэхэд хөдөө орон нутагт ажиллаж, амьдарч байгаа иргэдийг бүрэн вакцинжуулж дуусахаар зорьж буй.

Говь-Алтай аймагт 12800 тун VEROCELL вакцин хүргэгдлээ