УИХ-ын чуулганы өнөөдрийн /2021.07.01/ нэгдсэн хуралдаан үргэлжилж байна. Хуралдаанаар Мэргэжлийн боловсрол, сургалтын тухай хуулийн шинэчилсэн найруулгын төслийн хэлэлцэх эсэхийг хэлэлцэж байна.

Хэлэлцэж байгаа асуудалтай холбогдуулан гишүүд асуулт асууж, санал хэллээ.

УИХ-ын гишүүн С.Ганбаатар:

МСҮТ-ийн хуулийг дэмжиж байна. НХХЯ-нд ажилгүйдэл, ядуурал, хөдөлмөрийн бодлого, ажлын байртай болгоороо энэ хариуцлагыг нь үүрүүлсэн юм бол ажлын байр, ур чадварыг нь бий болгодог эрх мэдэл, боломжийг нь хамтад нь үүрүүлэх ёстой.

Герман орны эдийн засгийн хамгийн том давуу тал бол МСҮТ -дээ байгаа юм хэмээн Меркел хэлсэн байдаг. МСҮТ их, дээд сургууль, ЕБС-ээс юугаараа ялгаатай вэ гэхээр МСҮТ-ийн удирдах зөвлөл дээр бизнес эрхлэгч, ажил олгогч эздийг энд оруулдаг. Их, дээд сургуульд ЕБС байдаггүй. Өөрөөр хэлбэл Монголын нийгмийн хамгийн том зовлон бол бизнес эрхлэгчид сайн ажиллах хүч, ур чадвартай хүн хэрэгтэй байна гэдэг. Үүнийг хийхийн тулд бизнес эрхэлж байгаа, бизнесийн төлөөллийн байгууллагууд ХААҮТ, Ажил олгох эздийн холбоо, институци төлөөллийн байгууллагуудыг нь бодлогоор төлөөллийг нь оруулж ажилдагаараа энэ хуулийн гайхамшиг нь байгаа юм. Тэнд бодлого, ур чадвар, тухайн жилийн эрэлт хэрэгцээг тухайн жилийн сургалтын програм, чанарт нь оруулдаг. Үүнийг та нар бодож өгөөрэй.

Н.Алтанхуяг ерөнхий сайд байхад 2013 онд орж ирж байсан. Дөнгөж эхэлж байхад нь татаж унагаагаад, танхимийн сургалт руу оруулчихвал маш том нүгэл болно гэж би бодож байна.

Улсын гурван талт хэлэлцээр гэдгийг ХНХЯ өөр дээрээ авч, хариуцдаг юм бол жирийн ажилчин хүмүүсийн төлөөллийн байгууллага, бизнес эрхлэгчдийн төлөөллийн байгууллага МСҮТ-ийн удирдах зөвлөл дээр яг хүчтэй тоо хэвээрээ байснаараа амьдралд хэрэгждэг. Одоо их, дээд сургуулийн захиралууд бол улс төрчид байгаа. Улс төрийн томилгоонууд байдаг. МСҮТ-ийн орой дээр шийдвэр гаргах түвшиний хүмүүс нь бизнес эрхлэгчид, худалдаа аж үйлдвэрийн танхимийнхан байгаачээ гэдэг нь амин сүнс юм.

Салбарын бизнес эрхлэгчдийг энд түлхүү оруулж, улам хүчтэй, тэдний зовлон эрэлт хэрэгцээг МСҮТ-ийн үндсэн зорилт болгон оруулах засаглал дээр нь бид оруулна. Өнөөдөр хэлэлцэх эсэхийг гишүүд дэмжиж өгнө гэдэг би итгэлтэй байна.

С.Чинзориг сайд Хөдөлмөрийн сайд байхад энэ ид бүрэлдэж байсан. Харин өнөөдөр хөлд орох гэж байхад нь жижиг амбицаар унагачих вий гэж ухаан алдатлаа айж үүнийг хэлж байна.

С.Ганбаатар: МСҮТ-д бизнес эрхлэгчид, худалдаа аж үйлдвэрийн танхимынхан байх хэрэгтэй