УИХ-ын чуулганы өнөөдрийн /2021.07.08/ нэгдсэн хуралдаан эхэллээ. Хуралдаанаар “Монгол Улсын Их Хурлын 2021 оны намрын ээлжит чуулганаар хэлэлцэх асуудлын тухай” Улсын Их Хурлын тогтоолын төслийг хэлэлцлээ.

Хэлэлцэж байгаа асуудалтай холбогдуулан гишүүд асуулт асууж хариулт авлаа.

УИХ-ын гишүүн Ё.Баатарбилэг:

Намрын чуулганаар хэлэлцэх асуудлын жагсаалтад УИХ-д өргөн бариад хэлэлцэх эсэхийг нь шийдсэн байгаа хоёр хуулийн талаар хэлье.

Боловсролын салбарын багц хуулийн хэлэлцэх асуудал шийдэгдсэн. Шинжлэх ухаан технологийн тухай хууль, Шинжлэх ухааны акедемын эрх зүйн байдлын тухай хуулиуд хэлэлцүүлгийн шатанд явж байгаа. Энэ хуулиуд нэр заагдаж энэ жагсаалтад ороогүй. Өчигдөр Байнгын хорооны хурлаар хэлэлцэж байх үед  энэ хуулиудыг Засгийн газар, УИХ-ын гишүүдийн өргөн мэдүүлсэн хэлэлцүүлгийн шатанд байгаа хуулиуд бол Намрын чуулганы хугацаанд хэлэлцээд явах боломжтой гэж хариулсан учраас үүнийг протколд тэмдэглүүлэх нь зүйтэй. 

Боловсролын салбарын багц хууль бол яалт ч үгүй Намрын чуулганы гол хуулиудын нэг болж явах учиртай. Багшийн хөгжилтэй холбоотой, багшийн тэтгэвэр, тэтгэмж, урамшуулал, ажиллах орчин нөхцөл, эцэг эхчүүдийн, боловсролын байгууллагын гээд цогцоор нь шинэчилсэн найруулга орж байгаа. Тэгэхээр үүнийг цаг алдалгүй Намрын чуулганаар батлах нь зүйтэй гэж үзэж байна. 

Боловсролын салбарын багц хуулийг дагаж орж ирж байгаа дээд боловсролын тухай хууль үүнтэй уялдуулж энэ хуулийг гарсны дараа Шинжлэх ухаан технологийн тухай хуулийн судалгаа, шинжилгээтэй холбоотой байгууллагуудын асуудлыг Боловсролын салбарын багц хуулийн араас залгуулж концевцийг уялдуулж батлах нь зүйтэй гэж Шинжлэх ухааны багц хуулийн Ажлын хэсгийг ахлаж байгаа гишүүний хувьд  байр суурийг илэрхийлж байна. Намрын чуулганы хугацаанд энэ хуулиудыг хэлэлцэх асуудалд оруулаад явах болно. Үүн дээр гишүүд маань дэмжинэ гэж бодож байна. 

Сэтгүүлч

Редактор Ц.Соёлмаа soko@vip76.mn