“Улаанбаатар хот дахь гэр оронгүй тэнэмэл иргэдийн дунд сүрьеэгийн идэвхтэй илрүүлэлт, эмчилгээ, хяналт болон нийгмийн дэмжлэг” төслийн хүрээнд Сонгинохайрхан дүүргийн 135 иргэнийг өнөөдөр үзлэгт хамрууллаа. Уг төслийг Монголын Улаан Загалмай Нийгэмлэг “Глобал” сангийн дэмжлэгтэй хэрэгжүүлж байгаа билээ. 

Үзлэгийг Сонгинохайрхан дүүргийн Цагдаагийн 1, 2, 3-р хэлтсийн алба хаагчид,  Сүрьеэгийн диспансерийн эмч ажилчид, Улаан загалмайн хороо хамтран зохион байгуулжээ. Энэхүү үзлэг, шинжилгээний ажлыг идэвхтэй зохион явуулахад Сонгинохайрхан дүүргийн засаг дарга Н.Алтаншагай чухал үүрэг гүйцэтгэсэн юм.