Газар чөлөөлсөн талбайн тохижилт бүрэн дууслаа
2021.09.08

Газар чөлөөлсөн талбайн тохижилт бүрэн дууслаа

Сонгинохайрхан дүүргийн 17-р хорооны нутаг дэвсгэрт газар чөлөөлсөн талбайн тохижилтын ажил бүрэн дуусч, өнөөдөр /2021.09.07/ УБЗАА-нд хүлээлгэн өглөө.

Тохижилтын гүйцэтгэлийг УБЗАА-ны дотоод хяналтын хэлтсийн мэргэжилтнүүд болон дүүргийн тохижилт, нийтийн аж ахуйн хэлтэс, гүйцэтгэгч компанийн төлөөллүүд хянаж, ажиллалаа. Тус талбайг Нийслэл, дүүргийн засаг даргын захирамжийн дагуу Иргэдийн эрүүл, аюулгүй амьдрах орчин, нөхцөлийг сайжруулах ажлын хүрээнд 0.9 га нийтийн эдэлбэр газрыг чөлөөлж 132 ширхэг чингэлэг, гараашуудыг буулгаж, газар чөлөөлсөн билээ.

Энэхүү ажлыг энэ оны гуравдугаар сард эхлүүлж байсан. Харин өнөөдөр 1800 мкв явган хүний зам, 3996 мкв талбайд ногоон зүлэг тарьж, 600 мкв үерийн далан сувгийн аюулгүй байдлыг хангах эко хавтан суурилуулж, 1.8 метр өргөнтэй 520 метр дугуйн зам тавих ажил бүрэн дууслаа.

Сэтгүүлч

Сэтгүүлч Ц.Соёлмаа soyolmaa@vip76.mn