Тэрээр УИХ дахь Монгол- Канадын Парламентын бүлгийн даргын хувиар Канад улсад албан айлчлал хийж байна.

Уг айлчлалаар:

Канад Улсын Парламентын гишүүн, Канад-Монголын Парламентын бүлгийн дарга хатагтай Ясмин Ратанситай Оттава хотод уулзаж хоёр орны харилцаанд оруулсан хувь нэмрийг нь үнэлж, талархлын захидал гардуулан цаашдын хамтын ажиллагааны талаар ярилцлаа.
Цар тахлын дараах эдийн засгийг сэргээх чиглэлд Канадын хөрөнгө оруулагчид, худалдааны гол байгууллагуудын төлөөллүүдтэй уулзалтууд хийлээ.
Канадын худалдааны танхимын Ерөнхийлөгч Перрин Бийтти, Дэд ерөнхийлөгч Марк Агнью нартай уулзаж, хоёр улсын хооронд худалдааны эргэлтийг нэмэгдүүлэх, худалдааны эрх зүйн орчинг төгөлдөржүүлэх, чадавхийг сайжруулах чиглэлээр хамтран ажиллах, Хойд Америкийн бүс нутгийн чөлөөт худалдааны хэлэлцээрт нэгдэх боломжийг эрэлхийлэх, компанийн засаглал, санхүүгийн үйлчилгээ, төрийн худалдан авалтын талаар Канадын туршлагыг судлах санал тавьж ярилцлаа. Энэхүү худалдааны танхим нь Канадын ЗГ-т бодлогын зөвлөгөө өгөх чиг үүрэг бүхий чухал институт юм.
Уул уурхайн салбарын түншлэл, хөрөнгө оруулалтыг сайжруулах чиглэлд PDAC-н Ерөнхийлөгч Алекс Кристофер, Гүйцэтгэх захирал Лиза МакДоналдс нартай уулзаж 2022 онд тохиох тус байгууллагын 90 жилийн ойн арга хэмжээнд Монгол Улсыг онцгойлон анхаарч үзэх талаар санал солилцлоо.
Канадын Экспортыг хөгжүүлэх агентлагийн Ерөнхийлөгч хатагтай Мэйрийд Лавери, Тэргүүн дэд ерөнхийлөгч Тод Винтерхолт, Дан Манкүсо, Дэд ерөнхийлөгч Гюлермо Фриер нартай уулзаж гадаадын хөрөнгө оруулалтыг нэмэгдүүлэх, эдийн засгийн хамтын ажиллагааг өргөжүүлэх, ялангуяа цар тахлын дараа эдийн засгийг сэргээхэд чиглэсэн бодлогын талаар танилцуулж, хөдөө аж ахуй, шинэ технологийн салбарт хөрөнгө оруулалтыг нэмэгдүүлэх чиглэлээр хамтран ажиллах санал тавилаа.

undefined

Ажлын айлчлалыг зохион байгуулж, хамтран ажиллаж байгаа МУ-аас Канад Улсад суугаа Онц бөгөөд Бүрэн эрхт Элчин сайд Я.Ариунболд, зөвлөх Д.Уянга болон ЭСЯ-ны хамт олонд талархал илэрхийлье .

Түүнчлэн Саскачуан мужтай Дархан-Уул аймгийг холбож, хөдөө аж ахуй, боловсролын чиглэлээр хамтран ажиллах гарц, боломжийг ярилцахаар мужийн парламентийн гишүүн, Дээд боловсролын сайд Гэн Маковски, ХАА-н сайд Дэйвид Марит нартай уулзана. Тус муж нь Уул уурхай, Газар тариалан, ХАА-н гол муж гэдэг утгаараа Дархан-Уул аймагтай ижил төстэй юм.

Амжилттай, үр дүнтэй яриа хэлэлцээ болгож Та бүгдэдээ мэдээлэл тогтмол өгөх болно

хэмээн өөрийн цахим хуудаснаа мэдээлсэн байна.

Г.Дамдинням гишүүн Канад улсад албан айлчлал хийж байна

Г.Дамдинням гишүүн Канад улсад албан айлчлал хийж байна