МҮЭ-ийн холбооны дүрмийн дагуу жил бүр Ерөнхий зөвлөлийн хурал нэг буюу түүнээс дээш хуралддаг уламжлалтай. Дэлхий нийтийг хамарсан Covid-19 цар тахлын улмаас МҮЭ-ийн холбооны Ерөнхий зөвлөлийн 6 дугаар хуралдааныг өнөөдөр цахим хэлбэрээр зохион байгууллаа.

Энэ удаагийн хурлаар 2021 онд иргэд хөдөлмөрчид, гишүүдийнхээ хөдөлмөр, нийгмийн хамгааллын чиглэлээр авч хэрэгжүүлсэн арга хэмжээний үр дүнг танилцуулах, цар тахлын үед байгуулагдсан Хөдөлмөр, нийгмийн зөвшлийн гурван талт хэлэлцээр, Хөдөлмөрийн тухай хуулийн талаарх мэдээлэл, МҮЭ-ийн холбооны XXIII их хурлын тов, төлөөлөгч сонгох журам, тоо тогтоох тухай мэдээллийг гишүүн байгууллагууддаа өглөө.

Аймаг, нийслэлийн 22, салбарын 14 үйлдвэрчний эвлэлийн холбоо, 2300 гаруй анхан шатны хороодыг төлөөлсөн 50 гаруй хүн энэхүү хуралд оролцлоо.

Өнөөдрийн хурлаар хэлэлцэж шийдвэрлэсэн асуудлыг МҮЭ-ийн холбооны ерөнхийлөгч Х.Амгаланбаатараас тодруулахад “Хөдөлмөр, нийгмийн чиглэлээр тодорхой ажлыг эрчимжүүлэх шаардлага тавигдаж байна. Ажлын байрыг нэмэгдүүлэх боломж бололцоо ялангуяа орон нутаг, зарим салбарт байгаа гэдгийг гишүүн байгууллагууд хэлж байна. Иймд ажлын байрыг аль болох хамгаалах, хадгалах чиглэлээр бүх гишүүн байгууллагууд Мөн МҮЭ-ийн холбооны XXIII их хурлын тов товлох, төлөөлөгч сонгох журам, төлөөлөгчдийн тоо тогтоох зэрэг асуудлыг хэлэлцсэн. МҮЭ-ийн холбооны XXIII их хурал 12 дугаар сарын 17, 18-нд хийх тов гарлаа” гэв.

МҮЭ-ийн холбооны Ерөнхий зөвлөлийн VI хуралдаан боллоо