Монгол үйлдвэрчний эвлэлийн холбооноос Олон улсын хөгжлийн байгууллагатай хамтран “МҮЭХ, түүний гишүүн байгууллагуудаас албан бус салбарт ажиллагчдад үзүүлэх үйлчилгээг сайжруулах, албан хэлбэрт шилжилтийг дэмжих” хамтарсан төслийн хүрээнд зохион байгуулж буй ээлжит ярилцлагад МҮЭХ-ны ерөнхийлөгч Х.Амгаланбаатар уригдан "Эвлэлдэн нэгдэх эрх" сэдвийн хүрээнд ярилцлаа. 

Энэ удаагийн дугаарт Өмнөговь аймаг дахь Цагаан хаданд байгуулагдсан Өмнөговь Тээвэрчдийн Үйлдвэрчний Эвлэлийн гишүүд болон тээврийн жолооч нарт зориулсан “Эвлэлдэн нэгдэх эрх чөлөө, хамтын хэлэлцээ хийх эрх ба хөдөлмөрийн харилцаан дахь ҮЭ-ийн оролцоо” сэдэвт подкаст гарлаа. Энэ удаагийн подкастд Монголын Тээвэр, холбоо, газрын тосны ажилтны ҮЭ-ийн холбооны дарга Б.Рагчаа болон Өмнөговь аймгийн ҮЭХ-ны дарга Д.Мөнх-Эрдэнэ нар оролцож эвлэлдэн нэгдэх эрхийг баталгаажуулсан олон улсын болон үндэсний хууль тогтоомж, эдгээрийн хэрэгжилт, тээвэр эрхлэгчдийн өмнө тулгамдаж байгаа асуудлуудын талаар өргөн хүрээний мэдээлэл өгч ярилцлаа.