Алслагдсан сумдад таваас дээш жил ажилласан албан хаагчдад  30 сарын үндсэн цалинтай тэнцэх мөнгөн урамшууллыг олгоно
2021.10.22

Алслагдсан сумдад таваас дээш жил ажилласан албан хаагчдад 30 сарын үндсэн цалинтай тэнцэх мөнгөн урамшууллыг олгоно

УИх-ын чуулганы өнөөдрийн \2021.10.22\ нэгдсэн хуралдаанаар Гамшгаас хамгаалах тухай хууль нэмэлт, өөрчлөлт оруулах тухай хуулийн төслийн эцсийн хэлэлцүүлгийг хийлээ. 

АБГББХ-ны санал дүгнэлтийг УИХ-ын гишүүн Б.Баттөмөр танилцуулав. 

Тус хуулийн өөрчлөлтөөр аймгийн төвөөс алсдагдсан сумдад тасралтгүй тав болон түүнээс дээш жил ажиллаж буй онцгой байдлын албан хаагчдад 30 сарын үндсэн цалинтай тэнцэх мөнгөн урамшууллыг таван жил тутамд олгох тухай асуудлыг тусгасан байна. 

Уг хуулийн төсөлтэй холбогдуулан УИХ-ын гишүүн Б.Энхбаяр "Төсөв санхүүтэй холбоотой хуулийг гишүүд бус Засгийн газар санаачилж, оруулж ирж баймаар байна. Тэгэхгүй бол хууль санаачилж байгаа нь онцгой байдлын алба хаагчдад хайртай, дэмжээгүй нь хайргүй юм шиг харагдах улс төр болоод байна" гэдэн санал хэлэв. 

Мөн УИХ-ын гишүүн Ц.Сандаг-Очир "Хуулийн төсөлд яагаад зөвхөн аймгийн төвөөс алслагдсан сумын төв гэж оруулсан юм бэ. Багануур, Багахангай, Налайх гээд хотын төвөөс алслагдсан гурван дүүрэгт ажиллаж байгаа зөвхөн онцгой байдлын алба хаагчид бус эмч, багш, цагдаа нарыг ч энэ заалтад хамруулах ёстой байсан" гэв. 

Дээрх гишүүдийн саналыг цаашид анхаарахаа Аюулгүй байдал, гадаад бодлогын байнгын хорооны дарга Б.Баттөмөр хэллээ.