"Нөхөрсөг жаалууд" сургалтад үнэ төлбөргүй хамрагдах боломжтой
2021.11.16

"Нөхөрсөг жаалууд" сургалтад үнэ төлбөргүй хамрагдах боломжтой

Монголын Эмнести Интернэшнл байгууллагаас зохион байгуулж буй шоглох, дээрэлхэх, дарамтлахын эсрэг хүний эрхийн боловсрол олгох "Нөхөрсөг жаалууд" сургалтад Сэлэнгэ аймгийн Зүүнбүрэн сумын Ерөнхий боловсролын сургуулийн есдүгээр ангийн сурагчид хамрагджээ.

Сургалтаар хүнийг хүндлэх, үе тэнгийнхэнтэйгээ нөхөрсөг харилцах, хүүхдийн эрх, хүний эрхийн тухай ойлголт, мэдлэг мэдээллийг олгодог байна.

Сурагчдын насны онцлогт тохирсон 5 төрлийн модуль боловсруулсан бөгөөд туршлагатай үе тэнгийн сургагч багш нар уг сургалтыг заадгаараа онцлогтой.

Танай хүүхдийн анги танхим, сургуулийн орчинд хүүхдийг шоглож, дээрэлхэх тохиолдол гардаг бол Монголын Эмнести Интернэшнл байгууллагатай холбогдож, "Нөхөрсөг жаалууд" сургалтыг тухайн сургууль, ангид үнэ төлбөргүй заалгах боломжтой аж. Дэлгэрэнгүй мэдээллийг https://www.facebook.com/AIMONGOLIA хуудсаас аваарай.