2021.11.18

Н.Учрал: Шинэ харилцаанд мэдрэмжтэй хандаж, мэдлэгтэй ажиллах хэрэгтэй

УИХ-ын чуулганы өнөөдрийн /2021.11.18/ нэгдсэн хуралдаан үргэлжилж байна. Хуралдаанаар Шүүхийн ерөнхий зөвлөлийн шүүгч бус гишүүнийг томилох тухай асуудлыг хэлэлцлээ. 

Гишүүд хэлэлцэж буй асуудалтай холбогдуулан асуулт асуулаа.

УИХ-ын гишүүн Н.Учрал: 

Шүүх эрх мэдлийн хараат бус байх явдалд Шүүгч нарын мэдлэг, чадвар чухал. Иймд олон улсад баримталж байгаа ёс зүйн арга  зарчмыг өөрөөр нь үнэлүүлэх ажлыг сайн хийх ёстой. Хорих ялын интервалыг маш хол тавьсан. Шүүхээс прокурорт хэргийн шилжүүлэхгүй гэсэн хуулийн төсөл яригдаж байгаа. Үүний цаана Шүүхээс илүү шударга байхыг шаардаж байна. Хүнд 5-10 жил, 6-7 жилийн ял оногдуулна гэдэг чинь зөв шүүх хэрэгтэй. Мэдэхгүй зүйлээ хийнэ гэдэг хэцүү. Та бүхэн ямар туршлагатай вэ?

Аж үйлдвэрийн хувьсгалын үед шинэ харилцаа өдөр бүр нэмэгдэж байна. Өнөөдөр Виртуалын хуулийн төслийг ярьж байхад бусад хуулиудад өөрчлөлт орж байна. Мэдэхгүйгээсээ болж алдаа гарах вий дээ. Мэдээж та бүхэн чадвартай хүмүүс байгаа. Гэхдээ ямар ямар чиглэлээр мэргэшиж ажиллах вэ? Цаг үетэйгээ хөл нийлүүлэх шаардлага үүсч байна. Та бүхэн цаашдаа яаж ажиллах вэ?

Сэтгүүлч

Сэтгүүлч Ц.Соёлмаа soyolmaa@vip76.mn