УИХ-ын чуулганы өнөөдрийн /2021.11.19/ нэгдсэн хуралдаан 2020 оны 04 дүгээр сарын 07-ны өдөр Засгийн газраас өргөн мэдүүлсэн Ажиллах хүчний шилжилт хөдөлгөөний тухай хуулийн шинэчилсэн найруулгын төсөл болон хамт өргөн мэдүүлсэн хуулийн төслүүдийн анхны хэлэлцүүлгийг хийлээ.

Хэлэлцэж буй асуудалтай холбогдуулан гишүүд асуулт асууж, хариулт авлаа.

УИХ-ын гишүүн Б.Бейсен:

Ажиллах хүчний шилжилт хөдөлгөөний тухай хуулийн шинэчилсэн найруулгын төслийг дэмжиж байна.

Гадаадаас ирж ажиллаж байгаа, мөн гаднын орнуудад хөдөлмөр эрхэлж байгаа хүмүүсийг гадаадад ажиллах хүчний мэдээллийн нэгдсэн санд бүртгэдэг үү? Хэчнээн хүн байна вэ?

Гадаадад ажиллаж байгаа болон манайд ажиллах гэж ирсэн хүмүүсийн хөдөлмөрийн аюулгүй байдал, болзошгүй эрсдлийн асуудал гардаг. Энэ дээр зуулчилж байгаа хүн, ажил олгож байгаа компанийн аль нь хариуцлага хүлээх вэ?

Гадаад руу туршлага судлахаар явахад төлбөрийг хэн хариуцах вэ?

Энэ хуулийн 24.1.4-т Засгийн газраас гадаадын иргэнд улсын онц чухал объектод тогтоосон газар ажиллах зөвшөөрөл олгох гэж заажээ. Үүнийг хариуцаад тодорхой болгох хэрэгтэй юм биш үү?

Гадаадаас ажиллах гэж ирсэн хүмүүс хот, хөдөөгүй байна. Эд нарыг ямар шугамаар авчирдаг вэ?

Түүний асуултад НББХ-ны дарга УИХ--ын гишүүн М.Оюунчимэг хариуллаа.