МҮЭХ-ны ерөнхийлөгч Х.Амгаланбаатар тэмцлийн ажлын хэсгийн гишүүдтэй уулзлаа. 

Төрийн үйлчилгээний ажилчдын ангилал зэрэглэлийн асуудлаар Боловсрол шинжлэх ухааны ҮЭ-ийн холбоо, Сургуулийн өмнө боловсролын ҮЭ-ийн хорооноос тавьсан шаардлагын хүрээнд албан ёсны хариуг ирүүлээгүй тул СӨБ-ын ҮЭ-ийн Хорооны тэргүүлэгчдийн шуурхай хурлаас 12 хүний бүрэлдэхүүнтэй ажлын хэсэг байгуулж, тэмцлээ улам эрчимтэй үргэлжлүүлэх шийдвэр гаргасан байна.

Тус ажлын хэсгийн төлөөлөл өнөөдөр /2021.12.15/ МҮЭ-ийн холбооны ерөнхийлөгч Х.Амгаланбаатартай уулзлаа.

Уулзалтын хүрээнд МҮЭ-ийн холбооны ерөнхийлөгч Х.Амгаланбаатар дэмжин ажиллахаа илэрхийлж, энэ хүрээнд хэвлэлийн хурал зохион байгуулж УИХ, Засгийн газар болон олон нийтэд хандах, шаардлага үүсвэл жагсаал цуглаан зохион байгуулж тэмцлийн үйл ажиллагааг үр дүнд хүртэл хамтран ажиллахаа мэдэгдлээ.