УИХ-ын чуулганы өнөөдрийн \2022.01.14\ нэгдсэн хуралдаанаар Төрийн албаны зөвлөлийн орон тооны гишүүнийг томилох тухай асуудлыг хэлэлцлээ.

Хэлэлцэж буй асуудалтай холбогдуулан гишүүд асуулт асуулаа.

УИХ-ын гишүүн Н.Наранбаатар:

Төрийн албаны хууль хангалтгүй хэрэгжиж байна. Төрийн албаны зөвлөл ажлаа сайн хийхгүй байна. Маш олон төрийн албан хаагчид хуулиар хамгаалагдаж чадахгүй удирдах албан тушаалтан, улс төрийн шахалтаар өргөдлөө өгөөд, зарим нь ажлаас халагдаад шүүхийн шатанд ТАЗ-д гомдлоо гаргаад явж байгаа асуудал их байна.Ялангуяа орон нутгийн сонгуулийн дараа ийм асуудал их гардаг. ТАЗ,ЗГХЭГ-ын хяналт шалгалтаар тодорхой болсон олон ажил шийдэгдэхгүй байна. Монгол төрийн нэр хүнд сайнгүй байна.

Төрийн албан хаагч, ялангуяа удирдах албан тушаалтны хэлж ярьж байгаа зүйл шаардлага хангахгүй байна.Үүн дээр хариуцлагатай, хатуу хандах цаг нь болсон. Төрийн албанд ямар ч чадваргүй хүмүүс томилогдож, төрийн чадамжийг унагаж байна. Хөдөө орон нутагт тусгай хамгаалалттай газар ажиллах хүмүүс байдаггүй учир байгаль орчны хамгаалагчаар малчдыг ажиллуулдаг. Энэ хүмүүсийг төрийн албаны шалгалт өгөхийг шаарддаг. Үүн дээр зэрэглэл тогтоох хэрэгтэй байгаа юм.

 Түүний асуултад ажлын хэсгийн гишүүд хариуллаа.

Сэтгүүлч

Сэтгүүлч Ц.Соёлмаа soyolmaa@vip76.mn