Монгол Улсын Их Хурлын 2021 оны намрын ээлжит чуулган Үндсэн хуульд заасны дагуу ажлын 75 өдөр чуулж, Байнгын хороод 97, Дэд хороод 5, Түр хороод 9, нийт 111 удаа хуралдаж, 243 асуудал хэлэлцсэн байна.

Чуулганаар анхдагч болон шинэчилсэн найруулга 16, өөрчлөлт оруулах тухай 234, олон улсын гэрээ, хэлэлцээр соёрхон батлах тухай 5, хууль хүчингүй болсонд тооцох тухай 6, Улсын Их Хурлын 39 тогтоолыг нэгдсэн хуралдаанаар хэлэлцэж батлууллаа.

Намрын ээлжит чуулганы хугацаанд УИХ-ын гишүүн Б.Баярсайхан идэвх санаачлагатай ажиллаж, 2022 оны төсөвт 46 төсөл, арга хэмжээг тусгуулжээ. Түүний хувьд хаврын чуулганы хуралдаанаар Нийгмийн ажлын тухай хууль, Цахим орчинд хүүхдийн эрхийг хамгаалах тухай хуулийг санаачилж, өргөн барихаар бэлтгэж буй. 2021 онд гишүүнд 330 албан бичиг ирснээс 95 хувийг нь шийдэж, 170 өргөдөл, гомдол санал хүсэлт ирсний 69 хувийг нь тухай бүрт нь шийдвэрлэж ажиллажээ.

Тэрээр хууль тогтоох үйл ажиллагааг хэрэгжүүлж, цөөнгүй хуулийн төсөлд санал өгсөн байна.

Түүний санал өгсөн хуулийн төслүүдээс дурдвал

Монгол Улсын 2022 оны төсвийн тухай хууль;
Монгол Улс, Азийн дэд бүтцийн хөрөнгө оруулалтын банк хоорондын зээлийн хэлэлцээр /ковид 19-ийн эсрэг вакцинжуулалтын арга хэмжээ/-ийн төслийг соёрхон батлах тухай хууль;
Гамшгаас хамгаалах тухай хуульд нэмэлт, өөрчлөлт оруулах;
"Төрөөс төмөр замын тээврийн талаар баримтлах бодлого”-д өөрчлөлт оруулах тухай Улсын Их Хурлын тогтоол;
Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай;
Монгол Улсын Засгийн газрын бүтцийн тухай хуульд нэмэлт, өөрчлөлт оруулах;
Төрийн албаны тухай хуульд нэмэлт өөрчлөлт оруулах, УИХ-ын хяналт шалгалтын тухай хууль;
Нийтийн мэдээллийн тухай хууль, Ажиллах хүчний шилжилт хөдөлгөөний тухай хууль, Кибер аюулгүй байдлын тухай хууль;
Газрын тосны бүтээгдэхүүний тухай хуульд нэмэлт өөрчлөлт оруулах;
Хууль зүйн туслалцааны тухай хууль;
Гэмт хэрэг, зөрчлөөс урьдчилан сэргийлэх тухай хуульд нэмэлт, өөрчлөлт оруулах;
Монгол Улсын Засаг захиргаа, нутаг дэвсгэрийн нэгж, түүний удирдлагын тухай хуультай бусад хууль тогтоомжийг нийцүүлэх зорилгоор хуульд өөрчлөлт оруулах;

Ажлын хэсэгт орж ажилласан хуулийн төслүүд:

Хөдөлмөрийн тухай хууль;
Боловсролын багц хууль;
Ажиллах хүчний шилжт хөдөлгөөний тухай хууль;
Боловсролын салбарын Модон жорлонг шинэчилж, орчин үеийн ариун цэврийн байгууламжтай болгох ажилд хяналт тавих УИХ-ын Ажлын хэсгийг ахлан ажиллаж байна.

УИХ-д Завхан аймгийг төлөөлж сонгогдсон гишүүний хувьд тойргийнхоо 24 сумыг 3 удаа бүтэн тойрч иргэдтэй уулзаж, санал хүсэлтийг сонссон байна.

Тухайлбал, аймгийн төрийн байгууллагын үйл ажиллагаатай танилцаж, эрүүл мэндийн салбарын албан хаагчдад сургалт зохион байгуулж, Боловсролын багц хуулийн хэлэлцүүлэг зохион байгуулжээ. Мөн Завхан аймгийн 10 сумын засаг дарга нартай Сүхбаатар, Хэнтий, Дорнод аймагт туршлага судалж, Засаг захиргаа, нутаг дэвсгэрийн нэгж түүний удирдлагын тухайл хууль, Боловсролын багц хуулийн хэлэлцүүлэгт оролцлоо.

УИХ-ын гишүүн Б.Баярсайхан Нийгмийн ажлын тухай хуулийн төслийг өргөн барихаар бэлтгэж байна