Намрын чуулган гэж нэрлэгддэг чуулганаар би юу хийж бүтээвээ гэж эргэцүүлж бодож, өөрт шууд хамааралтай хийсэн ажлуудаасаа УИХ-ын гишүүн С.Бямбацогт танилцуулж байна.

Энэ намрын чуулганаар Үндсэн хуулийн өөрчлөлтийг биежүүлэх мөчир салаа нь болсон чухал хуулиуд болох УИХ-ын хяналт шалгалтын тухай анхдагч хууль, Хөгжлийн бодлого төлөвлөлтийн тухай хуулийн нэмэлт өөрчлөлт зэрэг санаачилсан хуулиуд минь батлагдлаа.

• Хөгжлийн бодлого, төлөвлөлт, түүний удирдлагын тухай хуулиар хөгжлийн бодлогыг нэгтгэн зангидаж хариуцах тодорхой институц ЭЗХЯам байгуулагдлаа.Сүүлийн 30 жил эзэнгүй яваа ХӨГЖЛИЙН БОДЛОГО хариуцах эзэнтэй боллоо.
• Шүүх эрх мэдлийг хэнээс ч хараат бус,хариуцлагатай байлгах үүрэгтэй ШЕЗ, Сахилгын хорооны гишүүдийг анх удаа ил тод сонгон шалгаруулалт, НЭЭЛТТЭЙ СОНСГОЛ-оор шалгаруулж хууль, шударга ёсыг сахиулах үүрэгт ажилд нь тохоон томиллоо.
• УИХ хууль батлаад орхидог биш баталсан хуулийнхаа хэрэгжилтийг хянах, хууль хэрэгжүүлэхийг гүйцэтгэх засаглал, төрийн байгууллага, албан хаагчдаас шахаж шаардах УИХ-ын хяналт шалгалтын тухай АНХДАГЧ хуулийг санаачлан батлууллаа.
•  Иргэдийнхээ МЭДЭХ ЭРХ-ийг хангах Нийтийн мэдээллийн хууль , иргэнийхээ ХУВИЙН МЭДЭЭЛЛИЙГ ХАМГААЛАХ Хувийн мэдээлэл хамгаалах тухай хуультай боллоо.
• Цахим Монгол-Цахим засаглалын суурь болсон Цахим гарын үсгийн тухай хуулийг баталж, авлига хүнд суртлыг халахад шийдвэрлэх үүрэгтэй гэж үзэж санаачилсан ЗӨВШӨӨРЛИЙГ ЦӨӨЛӨХ тухай хуулиа парламентын босго давуулж хэлэлцүүлж эхэллээ.
• Үйлдвэрлэл Технологийн Паркын Тухай хуулийг шинэчилж үнэгүйдсэн ТҮҮХИЙ ЭДЭЭ дотооддоо боловсруулж үнэд хүргэх, хэрэглэгч бус ҮЙЛДВЭРЛЭГЧ улс байх эрх зүйн орчинг бүрдүүлэхэд анхаарлаа.
• Оюу толгой ордын ашиглалтад Монгол Улсын эрх ашгийг хангуулах Ажлын хэсэгт орж ажиллан ӨР нэмсэн Дубайн гэрээг цуцлан, ӨГӨӨЖ хүртэх цаг хугацааг наашлуулах ашигтай гэрээ байгуулах үүргийг Засгийн газарт өгч, ҮР ДҮН нь эхнээсээ гарч эхэллээ.
• Хагас зуун жил яригдаж гацсан Эрдэнэбүрэнгийн УЦС-ын төслийг “хавх”-наас гаргах,эргэлзэж тээнэгэлзсэн иргэдийг мэдээллээр хангах зорилгоор асуулга тавьж, ирэх хавар бүтээн байгуулалтын ажил нь эхлэхээр боллоо.
• Ахалж ажиллаж буй ХЗБХ-гоороо 91 хуулийн хэлэлцүүлгийг хийж, Их хурлын хэлэлцүүлэгт бэлтгэж батлууллаа.

Сонгогдсон тойрог болох Ховд аймагтаа 2022 онд 200 гаруй тэрбум төгрөгийн БҮТЭЭН БАЙГУУЛАЛТЫН ажил хийлгэх хөрөнгийг улсын төсөвт суулгалаа.

Иргэд олон нийтээс ирүүлсэн 210 өргөдөл хүсэлтийг хүлээн авч, зохих хариуг өгч шийдвэрлэлээ. Энэ мэт хийсэн ажил чамгүй ч, ирэх хаврын чуулганаар хийх ажил бүр ч их байна даа.

Сэтгүүлч

Сэтгүүлч Ц.Соёлмаа soyolmaa@vip76.mn