Биологийн олон янз байдлыг хамгаалах, уур амьсгалын өөрчлөлтөд дасан зохицох төслийг Монгол-Германы Засгийн газар хоорондын хэлэлцээрийн дагуу КFW банкны санхүүжилтээр хэрэгжүүлж байгаа билээ.

Тус төслийн нэгдүгээр үе шат 2015-2021 онуудад амжилттай хэрэгжиж дууссан. Тэгвэл төслийн нэгдүгээр үе шатанд хамрагдаагүй Монгол орны баруун бүс нутгийн улсын тусгай хамгаалалттай газар нутагт үргэлжлүүлэх, тогтвортой байдлыг хангах зорилгоор ХБНГУ-ын Засгийн газраас шийдвэр гарсан тул нэмэлт санхүүжилтийг олгож тус төслийн хоёр, гуравдугаар үе шатыг 2020-2027 онд хэрэгжүүлж эхлээд байгаа юм. 

Уулзалтын үеэр төслийн зохицуулагч Г.Эрдэнэбаясгалан төслийн нэгдүгээр үе шатанд хийгдсэн ажлууд түүний үр дүн болон хоёр, гуравдугаар үе шатны төлөвлөгөөг танилцууллаа.

Биологийн олон янз байдлыг хамгаалах, уур амьсгалын өөрчлөлтөд дасан зохицох төслийн хоёр, гуравдугаар үе шатыг амжилттай эхлүүлэх болон нэгдүгээр үе шатанд гарсан үр дүнг амжилттай үргэлжлүүлэн хэрэгжүүлэхэд ХБНГУ-ын KFW банкны Монгол дахь суурин төлөөлөгч Михаэль Зумсер, тус банкны Монгол дахь салбарын төсөл хөтөлбөрийн зохицуулагч Ц.Энхзул, төслийн зөвлөх багийн ахлах зөвлөх Хартмут Аббергер нарын оролцоо, зүтгэл өндөр явж ирсэн тул Байгаль орчны тэргүүний ажилтан тэмдэгээр тус тус шагнав.