Монгол залуусын зүрхэнд тархинд Монгол эх орны маргаашийн хувь заяаг 25 жилийн турш зурсан НАМЗХ-ны ШИНЭ ҮE-ШИНЭ СЭРГЭЛТ АКАДEМИ-д Монгол орны өнцөг булан бүрээс 462 залуу цуглан чууллаа.

Тус чуулганд 21 аймаг 9 дүүргээс ирсэн залуус Найрамдал зуслангийн "Эрх чөлөө", "Эв нэгдэл", "Шударга ёс" танхимуудад зохион байгуулалтын талаар сургалтад сууж, "Хувь хүний брендинг", "Нийгмийн шинэчлэлийн төсөл", "Шинжлэн бодох сэтгэлгээ", "Олон нийтийн байгуулалтын менежмент" зэрэг сэдвээр илтгэлүүд тавигдлаа. Түүнчлэн уригдсан төлөөлөгч, зочдын илтгэл, хэлэлцүүлгээр үргэлжилж байлаа.

Монгол Улсын Их Хурлын гишүүн, Нийгмийн Ардчилал Монголын Залуучуудын Холбооны Eрөнхийлөгч Н.Учрал чуулганыг нээж "НАМЗХ-ныхоо ээлжит бус Их Хурлаар бодол, сэтгэлээ нэгтгэн зангидаж, хамтдаа суралцаж, хамтдаа хөгжин угтах ирээдүйгээ зурах болно. Зочин илтгэгчид золбоолог залуучуудад маань мотиваци өгч дэлхийн хөгжлийг дэргэд авчран, залуучууд хэрхэн нийгэмд гэрэл гэгээг нэмж, эeрэг болгох талаар халуун дотно ярилцах болно.

Түүхт 25 жилийн ойгоо тохиолдуулан оюун санааны тусгаар тогтнолд, Социал Демократ үзэл баримтлалаа дуу нэгтэй тодотгож тэмүүлсэн залуучууддаа, хуралд оролцогчид, НАМЗХ-той амьдрал, ажил үйлсээрээ холбогдож он цагийн түүхээ зурсан үe, үeийнхэндээ баярын мэнд дэвшүүльe. МОНГОЛЫН ЗАЛУУСЫН ЗҮРХЭНД ТАРХИНД МОНГОЛ ЭХ ОРНЫ МАРГААШИЙН ХУВЬ ЗАЯА ЗУРААСТАЙ" гэсэн юм.

НАМЗХ-ны ээлжит бус Их хурлаар холбооны нэрээ “Социал Демократ залуучууд” болгож өөрчлөх шийдвэрийг Их хурлын төлөөлөгчдийнхөө хамтаар ёслол төгөлдөр, бодлого нэгтэйгээр баталсан юм.

Социал Демократ залуучууд нийгэмдээ тэгш боломжийг олгохын төлөө, эрх чөлөө, шударга ёс, эв нэгдлийн суурь зарчмаа хүндэтгэж, энэхүү үзэл баримтлалыг үндэстэн даяар түгээн дэлгэрүүлж, нийтийн өөрчлөлт шинэчлэлтийг хийнэ. Салбар бүрийн реформ шинэчлэлийг манлайлж, шинэ үеийн залуучуудын дуу хоолойг төр засгийн бодлого шийдвэрт тусгуулан, чинээлэг дундаж давхаргыг бий болгох үзэл суртлын жимээр хамтдаа ажиллахаар болжээ. 

Социал Демократ залуучууд авлига, ашиг сонирхлоос ангид, төрийн бодлого шийдвэрт шинжлэх ухаанч шийдлээр хандаж, нийгмийн тэгш боломж, чинээлэг дундаж давхаргыг бий болгоход хөдөлмөр нийгмийн хамгаалал, эрүүл мэнд, боловсрол, соёлын салбарууд дахь өөрчлөлтийг шинэ үеийн залуучуудын хамт хийж гүйцэтгэх аж. Түүнчлэн энэхүү холбоо нь бодлогын залуучуудын нийгэмлэг болох юм байна.

Уг хурлыг хааж тус холбооны ерөнхийлөгч Н.Учрал "Улс оронд хамгийн хэрэгцээтэй байгаа шинэчлэл, өөрчлөлтөд нэгдэх чин хүсэлтэй аль ч төрийн бус байгууллагуудтай бид хамтарч ажиллахдаа үргэлж нээлттэй байх болно. Манай улсад хамгийн тохиромжтой аз жаргалын индексийг маань урагшлуулж чадах гол бодлого бол Социал Демократ бодлого юм. Манай улсад хамгийн хэрэгцээтэй зөв бодлогыг дүрмэндээ тусгаж, “Социал Демократ залуучууд” бодлогын өөрчлөлтийг хамтдаа эхлүүллээ. Цаашдаа Монгол эх орныхоо дөрвөн зүг, найман зовхист Социал Демократ үзэл бодолтой залуучуудыг эгнээндээ нэгтгэж, энэ үзэл баримтлалыг үндэстэн даяар дэлгэрүүлж, олон улсын хамтын ажиллагаагаа өргөжүүлэн, нийгмийн олон салбарт реформ хийхэд шинэ үеийн залуучууд та бүхний маань дуу хоолой ус, агаар шиг хэрэгтэй байна.

Монгол улсынхаа өнцөг булан бүрээс цэнхэр дэлгэц, сошиал хуудсаар бидний ажил хэрэгч хэлэлцүүлгийг үзэж, гарсан тогтоол шийдвэрүүдтэй танилцаж, бидний үйл ажиллагаанд шүүмжлэлтэй хандсан, бодитой зөвлөмжүүдийг өгсөн, төлөөлөгчдийн тусгасан санал санаачлагуудыг бид хэрэгжүүлж ажиллах болно" гэдгээ илэрхийлсэн юм.