2009.10.14

Хугацаа хэтэрсэн зээлийн өрийн үлдэгдэл нэмэгдсээр байна

Хугацаа хэтэрсэн зээлийн өрийн үлдэгдэл нэмэгдсээр байна

Үндэсний статистикийн хороо /ҮСХ/ мэдээллээр бол гүйлгээнд байгаа бэлэн мөнгө эхний есөн сард өмнөх наймдугаар сараасаа 20.6 тэрбумаар буурч, 363.5 тэрбумд хүрсэн ч 2008 оноос 0.7 хувиар нэмэгджээ.


Хэдийгээр аж ахуйн нэгж, байгууллагад олгосон зээлийн хэмжээ хоёр их наяд 630.9 тэрбум төгрөгт хүрч өмнөх оноос бага зэрэг буурсан үзүүлэлттэй гарсан ч хугацаа хэтэрсэн зээлийн өрийн үлдэгдэл сар тутамд нэмэгдсээр байна. Тодруулбал барилгын салбарын зогсонги байдалтай холбоотойгоор банкны системд хугацаа хэтэрсэн болон чанаргүй зээлийн хэмжээ нэмэгд-сээр буй билээ. Үүнд хугацаа хэтэрсэн зээлийн өрийн үлдэгдлийн хувьд эхний есөн сарын байдлаар 198.2 тэрбум төгрөгт хүрсэн нь нийт зээлийн 7.5 хувийг эзэлж байгаа аж. Энэ нь өмнөх сараас 24.7 тэрбум төгрөгөөр, 2008 оны эхний есөн сараас 143.4 тэрбум төгрөгөөр нэмэгдсэн үзүүлэлт юм байна. Харин банкны системийн хэмжээнд чанаргүй зээлийн хэмжээ 2009 оны эхний есөн сард 397.7 тэрбум төгрөгт хүрч, энэ нь нийт зээлийн өрийн үлдэгдлийн 15.1 хувийг эзэлжээ.

0ЭКСПЕРТсэтгэгдэл
Сэтгэгдэл оруулахын тулд та хэрэглэгчийн эрхээр нэвтэрнэ үү.
Экспертүүдийн сэтгэгдэл
Одоогоор сэтгэгдэл нэмэгдээгүй байна.