2022.04.28
Ц.Даваасүрэн: Эрчим хүчний компанийг хувьчилж болохгүй
Монгол Улсын 2022 оны төсвийн тухай хуульд өөрчлөлт оруулах тухай, Нийгмийн даатгалын сангийн 2022 оны төсвийн тухай хуульд өөрчлөлт оруулах тухай, Ирээдүйн өв сангийн 2022 оны төсвийн тухай хуульд өөрчлөлт оруулах тухай хуулийн төслүүдийг хэлэлцлээ.
Хэлэлцэж буй асуудалтай холбогдуулан гишүүд асуулт асуулаа.
УИХ-ын гишүүн Ц.Даваасүрэн:
Өмч хувьчлалын асуудал олон нийтэд нээлттэй гэсэн сайхан нэртэй яригдаж байна.Иргэд маань ядуу байна гурван хүн тутмын нэг нь ядуу байгаа. Таван хувийн нэг хүн авах байх гэхдээ 6-7 гэр бүлийн гишүүд нэгтгээд авчихна. Харин 20-30 компанитай хүн хэдэн 6-7 компаниа явуулаад өөрийн болгоно. Дараа нь Төрийн өмчийн 2-3 хүнд хахууль өгөөд захирлаа тавьчихна.Тэгээд эрчим хүчний компаниуд тэр компани мэдэлд орно. Өнөөдөр эрчим хүчний компаниудыг ашиггүй ажиллаж байна гэж байгаа. Үнийн барьчихаар ийм асуудал гарах нь тодорхой. Ашигтай ажиллахаар үнээ нэмнэ. Нөгөө талаараа энэ хувьчлал дотор хууль зөрчсөн юм бий. Эх үүсвэр, дамжуулах шугам бий. Энэ нь төрийн мэдэлд байна гэсэн хуультай.
Эрчим хүчний компанийг ашигтай болгох амархан дуртай үнээ нэмнэ. Өнөөдрийн Төсвийн тодотгол хямралын эсрэг, үнэ барих зорилготой. Гэтэл Эрчим хүчийг хувьчлахаар үнэ өснө.Үүнийг би дахин дахин хэлье. Ийм алдаа өмнө нь гарч байсан. Орон нутгийн Таван толгойн асуудал бий.Тэгээд үнэтэй цахилгаан, дулаан хэрэглэнэ. Өнгөрсөн хойно нь дуугарч болохгүй ээ. Стратегийн эрчим хүчийг хувьчлах асуудал дээр гишүүд анхаараарай. У.Хүрэлсүхийн Засгийн газрын үед би ажиллаж байсан. Тэр үед энэ асуудал орж ирж буцаж байсан.
Ерөнхийлөгч дэмжихгүй байр суурьтай байгаа. Хуулийн төслийн 4.1.6-4.1.16 хүртэл Эрчим хүчний компаниудыг хувьчлахгүй гэсэн асуудал.Зайсан руу хувийн шугам татсан нэг нөхрийн талаар та нар сонссон байх. Дуртай үнээ хэлж, байшин барьж байгаа компаниудад шугам өгдөг. Дургүй хүрэхээрээ таслаад хаядаг, иймл болно шүү. Улаанбаатар ДШСС-ыг хувьчлах гээд байгаа юм. Дулааны зөвшөөрөл хувь рүү явна. Эх үүсвэрүүд бас хувьчлагдана.
Түүний асуултад Сангийн сайд Б.Жавхлан хариуллаа.
Сэтгүүлч
Сэтгүүлч Ц.Соёлмаа soyolmaa@vip76.mn
