УИХ-ын Нийгмийн бодлогын байнгын хорооны хуралдааны /2022,05,04/-ны өдрийн хуралдаанаар Нийгмийн даатгалын үндэсний зөвлөлийн 2021 оны үйл ажиллагааны тайланг сонслоо.

Энэ асуудалтай холбогдуулан гишүүд асуулт асууж, санал хэллээ.

УИХ-ын гишүүн Б.Баярсайхан:

Нийгмийн даатгалын үйлчилгээнд иргэдийн сэтгэл ханамж төдийлөн сайн байдаггүй. Үндэсний зөвлөлд байгаа гишүүд нийгмийн даатгалыг оновчтой болгох, илүү хөгжлийн зүг рүү чиглүүлэхэд төлөвлөж, хийж байгаа бодлогын ажлууд бий юу?

Хоёрдугаарт цар тахлын улмаас үүссэн эдийн засгийн хүндрэл, бэрхшээлийг даван туулах зорилгоор аж ахуй нэгж байгууллагуудыг дэмжсэн бодлогыг хэрэгжүүлсэн. Энэ ажил хэр үр дүнтэй болсон бэ? Яг зорилтот бүлэгтээ энэ бодлого хүрч чадсан уу?

Гуравдугаарт нийгмийн даатгалын сангийн капитал банкинд байршуулсан байсан хөрөнгийг буцааж авахад үр дүнтэй ажлууд хийгдсэн үү? Нийт 46 объектыг 22,1 тэрбум төгрөгөөр үнэлсэн юм байна. Энэ үнэлгээ хэр бодитой вэ?

Түүний асуултад ажлын хэсгийн төлөөллүүд хариуллаа.