Өнөөдөр Баянгол дүүргийн Хөдөлмөр, халамжийн үйлчилгээний хэлтсээс “Бүтээлч Баянголчууд” өдөрлөгийг зохион байгууллаа.

Уг арга хэмжээнд дүүргийн иргэдийн Төлөөлөгчдийн Хурлын дарга Б.Сэмжидмаа оролцож “Дүүргийн маань залуучуудын хөдөлмөр эрхлэлтийг дэмжих чиглэлээр Улсын хэмжээнд шилдэг Старт-Ап баг 2 жил дараалан шалгарч, төслүүдийн сонгон шалгаруулалтад тэнцэж 100 хувийн санхүүжилтээ бүрэн авсан амжилттай явааг дууллаа. Оюунлаг бүтээлч, бүтээгч Баянголчуудад ажлын байрыг нэмэгдүүлэх, хадгалах, иргэдийн орлогыг нэмэгдүүлэхэд ямар ч саадгүйг нотолж буй хэрэг гэж харж байна.

Ингээд энэхүү арга хэмжээнд оролцож буй иргэн аж ахуй нэгж байгууллагуудын төлөөлөл та бүхэн дүүргийн иргэдээсээ итгэл төгс сонгон авч ажиллуулан нэг өрхөд орлого нэмэгдүүлэх боломжоор хангаасай гэж хүсэж байна” хэмээв.

Өдөрлөгийн үеэр төрийн нийтлэг үйлчилгээний болон хувийн хэвшлийн 20 гаруй аж ахуй нэгж байгууллага оролцож, 600 орчим байнгын ажлын байранд зуучлахаар төлөвлөн ажиллаж арга хэмжээний үеэр Ажил мэргэжлийн чиг баримжаа олгох, зөвлөгөө өгөх, сургалт зохион байгуулах; Ажилгүй болон ажил хайж буй иргэнийг бүртгэх, зуучлах; Ажил олгогчдын сул чөлөөтэй ажлын байрны захиалгыг танилцуулах; Ажлын шуурхай ярилцлага зохион байгуулах; 2022 онд хэрэгжүүлэх төсөл хөтөлбөрүүдийн талаар мэдээлэл өгөх; Хөтөлбөрт хамрагдсан иргэдийн үзэсгэлэн худалдаа дэлгэгджээ.

"Бүтээлч Баянголчууд" өдөрлөг зохион байгууллаа