Сонгинохайрхан дүүргийн Засаг дарга Н.Алтаншагайн санаачилгаар 19-р хорооны 62 дугаар сургуулийн зүүн болон хойд хэсгийн талбайг тохижуулж, ногоон байгууламж, авто зогсоол хосолсон амралтын газар байгуулахаар болсон.

Сонгинохайрхан дүүргийн Засаг дарга Н.Алтаншагайн санаачилгаар 19-р хорооны 62 дугаар сургуулийн зүүн болон хойд хэсгийн талбайг тохижуулж, ногоон байгууламж, авто зогсоол хосолсон амралтын газар байгуулахаар болсон. Тус бүтээн байгуулалтын ажил үргэлжилж байгаа бөгөөд тохижилтын ажил 80 гаруй хувьтай үргэлжилж байна. Талбайн тохижилтын хувьд амрах модон сүүдрэвч 3, модон сандал 12, хогийн сав 7, явган зам 631.34 мкв, авто машины зогсоол, хөгжлийн бэрхшээлтэй иргэдийн авто машины зогсоол, зам талбайн гэрэлтүүлэг, ногоон байгууламж зэрэг байхаар төлөвлөгдсөн.

Мөн ногоон байгууламжийн тохижилтын хүрээнд 774.87 мкв талбайг цэцэрлэгжүүлэх юм. Энэхүү тохижилтын ажил бүрэн дууссанаар 62 дугаар сургуулийн сурагчид, эргэн тойронд байрлах орон сууцны оршин суугчдын дунд амрах, салхилах, тоглох зэрэг хэрэгцээнд ашиглагдах юм. Мөн ногоон байгууламж, авто зогсоолын хүртээмжийг нэмэгдүүлэх, иргэдэд ээлтэй орчинг бүрдүүлэх зэрэг хэд, хэдэн ач холбогдолтой билээ.

СХД: Авто зогсоол, ногоон байгууламж хосолсон амралтын газрын тохижил 80 хувьтай байна