Өнөөдөр УИХ дахь Улаанбаатар хотын хөгжлийн асуудал эрхэлсэн Түр хорооны санаачилгаар нийслэл хотын хөгжлийн бодлого, тохижилт, амралт зугаалга, ногоон байгууламж, цэцэрлэгжүүлэлтийн төлөвлөлт зэрэг асуудлаарх хэлэлцүүлэг, уулзалт хийлээ.

Уулзалтаар

• Хүүхдийн паркийн тохижилт хийгдээгүй хэсгийг зөвхөн ногоон байгууламж болгох
• Парк болон бусад газрыг хамгаалалтад авах УИХ-ын тогтоолын төсөл боловсруулах
• Нийслэлийн ногоон байгууламжийг нэмэгдүүлэх зэрэг асуудлыг ярилцаж, одоо хэрэгжүүлж байгаа ажлуудтай танилцлаа.

Сонирхуулахад: Маршалын гүүрний зүүн талын хэсэгт 5 га талбайг эзлэх тохижилтын ажлыг төлөвлөж, зураг төсөл нь гарсан байна. Мөн Үндэсний соёл амралтын хүрээлэнгийн нийт 35 га газрын 85 хувь нь ногоон байгууламж болно. Явган хүний зам, дугуйн зам, ногоон байгууламжийг цогцоор нь хийж хэрэгжүүлэх юм.

Сэтгүүлч

Сэтгүүлч Э.Намуунцэцэг namuunaa@vip76.mn